استفسار ارجو الافادة؟

[gehadnessem]

المشاركة الأصلية كتبت بواسطة corsair تقدر مفيش مشكلة من تركيب صب الكمبيوتر بس تروح عند واحد كهربائي فاهم علشان يعملك الوصلات بتاعت الصب وافضل انواع السماعات هيه البيونير والسوني ونفس الكلام بالنسبة للكاسيت والف مبروك مقدما

اشكرك يا باشا لكن هايشتغل ك سماعات عادية ولا كشغل صب عربية

[Injection]

هتحتاج محول من 12 مستمر الى 220 متردد, وده موجود تقريبا عند سبير كار وهتلاقيه فى النخيلى ومحلات الألكترونيات الكبيرة.

وهتحتاج كابل rca to aux(audio) female يعنى وصلة لامؤاخذة نتاية علشان تدخل فيها جاك الصوت بتاع الصب ومن الناحية التانية بتاعت الوصلة هيبقى طالع كابلين rca الأحمر والأصفر المعروفين ودول هيتوصلوا بالكاسيت.

وبكده تبقى ركبت الصب, بس المحول تمنه مش هيقل عن 150 جنيه على ما أذكر, وهيتركب على الولاعة, والوصلة ب 3 جنيه, بس هتحتاج سلوك علشان لو عايز تحط الصب فى مكان بعيد عن الكاسيت لأن الوصلة الأصلية طولها قصير.

بس الصوت مش هيبقى زى مأنت عايزه, وصب العربية أو حتى البازوكا على الأقل أقوى 10 مرات من صب الكمبيوتر العادية.

وممكن تستغنى عن الصب بشوية لعب فى الكترونيات الصب, بأنك تشيل الكونفرتر اللى جواها وتشوفه بيطلع كام فولت وتحاول توصل الصب على العربية مباشرة بدون الكونفرتر الداخلى بتاعها.

[gehadnessem]

اشكرك يا انجيكشن علي الافادة الجامدة واهتمامك