مقارنة بين برسونا &صني &نيواكسنت

[ابراهيم أبوسيف]

بص ياباشا أولا أنا قريبي على فكرة عاجباه الصني عشان ما أظلمهاش

هي صني EXصالون مانيوال موديل 2009

أنا اللي كنت سايقها في سفر يعد 160 الموتور صوته بيعلى بطريقة غريبة ( مقلقة ) وكمان بتحس إن العربية عايمة وخفيفة قبل السرعة دي عكسيا بتكون كويسة وصوت الموتور واطي وده أهم ما يميزها

ثانيا التقفيل المصري بتاعها سيء إلى حد كبير بالنظر إلى أنها ياباني وبالمقارنة بموديلات سابقة ياباني عند واحد صاحبي أفضل بكتييييييير
يميزها برده أنها واسعة من جوة لكن أنا شابف إنها بسعرها ده أقل من البرسونا بكتير بالنسبة لسعر البرسونا الكاملة وهو 92 ألف يقترب من سعر الصني الفاضية
مع ملاحظة إن الفاضية دي مفيش فيها ABS أو EBD ولا حساسات ركن خلفية ولا جنوط اسبور ولا كاسيت CD ولا كمبيوتر رحلات ومانيوال عكس البروتون البرسونا اللي فيها كل ده وأوتماتيك وأنا شايف أنها أعلى في الموتور والعفشة والشكل الخارجي ومتساوية أو أقل بفرق بسيط في التقفيل الداخلي فبالتالي تكون الصني بالنسبة لوجهة نظري خيار فاشل أو مبالغ في سعره

بس ياباشا دي وجهة نظري وفي النهاية كل واحد بيشرح هو شايف أيه

[luckyman]

على فكرة ليا مداخله بقى اسم نيو اكسنت عيب اوى العربية الجيل دة تقريبا من خمس سنين يعنى موديل فى القريب سيتم استبداله مش عارف اية معنى التسمية دى فى مصر بايخة اوى نيو اكسنت موديل عدى على انتاجة اكتر من نص عمرة المفترض وفى القريب سيتم استبداله بالجيل الاحدث واحنا لسة بنتكلم عن تسمية نيو اكسنت
فى اغلب الاحوال التسميات دى بتكون وليدة التوكيل اللى بيلعب بالمستهلك والاسك
حتى صنى موديل قديم تم استبداله فن اكتر من سنة وعدى على انتاج الشكل الجيل المتواجد فى مصر اكثر من 10 سنين وتجميع مصرى لسيارة من المفترض ان تكون يابانية ولكنها كورية من فرع سامسونج بكوريا الجنوبية
انا مش فاهم اى معايير بتحكم السوق ويفضل المستهلك المصرى تحت رحمة التوكيل الحصرى لحد امتى اللى المفروض فى دول العالم انة يشجع بانتاج جديد وما يحرمش المستهلك المحلى او المصرى بكل ما هو جديد فى الاسواق لكن للاسف المجمع والتوكيل المحلى هما اكتر ناس مش محل ثقة ولا بيضمن السيارة ولا بيعمل حاجة ولو لا قدر الله حصل مشكله كبيرة المخازن مفيش فيها الا قطع الغيار الاستهلكية التقليدية لكن لا يمكن تلقى عندة اى قطع وقت الطوارى الا طبعا لو كانت مجمعة محليا بتلقى عندة حاجات العربية كلها على كل الاحوال لازم المستهلك مع الحكومة تقف وقفة اعادة نظر مع مافيات ما تعرف بالتوكيلات الحصرية للسيارات فى مصر

[احمد عبد السلام البحيرى]

[]البيرسونا جباره