سؤال بخصوص ال gps بالسياره

[romioromio]

السلام عليكم
انا مسافر بري من السعوديه لمصر بالعربيه ان شاء الله
بس كنت عايز اسال ازاي استخدم جهاز gps
وعايز اعرف هو ازاي بيشتغل اصلا
مجانا ولا احط فيه مثلا شريحة تليفون ولا بيشتغل ازاي الجهاز
انا اسف لجهلي
بس معنديش فكره اطلاقا عن الموضوع ده

كمان انا بشوف عربيات جديده فيها شاشه في النص للملاحه
ازاي برده بيستخدمها هل مجانا ولا ازاي
شكرا

[romioromio]

[Oussama]

GPS اصلا مجانى فى اى حتة فى الدنيا ... بس مشكلة الشرق الاوسط الخرائط

الخرائط فى مصر مش صحيحة ديمااااا

بس حاول اول ما تنزل الميناء فى مصر حاول تمشى على طرق رئيسية و بلاش الطرق الفرعية علشان اغلبها بيكون اتجاهتها غلط

[romioromio]

يعني انا بشتري الجهاز وانزل عليه الخرايط
وهو بيشبك علي القمر الصناعي من نفسه من غير رسوم ولا اي شئ
اكيد فيه تكلفه للخدمه
ولا ايه؟؟؟

[Explorer]

المشاركة الأصلية كتبت بواسطة romioromio يعني انا بشتري الجهاز وانزل عليه الخرايط وهو بيشبك علي القمر الصناعي من نفسه من غير رسوم ولا اي شئ اكيد فيه تكلفه للخدمه ولا ايه؟؟؟

لا مفيش أي تكلفة

فيه أجهزة بتدفع لها اشتراك لانها بتنبهك بحالة المرور والطرق الزحمة والطرق البديلة ولازم تكون متوصلة بالانترنت

لكن لو عاوز الجهاز بقولك شمال يمين وخلاص ويوصلك بالسلامة هيكون ببلاش

أهم حاجة وانت بتشتري الجهاز تشوف تفاصيل الخرايط اللي عليه مغطية الطريق اللي انت محتاجة كويس ولا لأ (لأن الخرايط بتختلف من شركة للتانية). وتحمل عليه خرايط كل البلاد اللي هتعدي عليها في الطريق

أنا معايا Garmin وشغال كويس. بس مش عارف ايه ظروف الخرايط في مصر