استفسار بخصوص البورا 2003

[soltanfriend]

السلام عليكم
فى قدامى بورا بتاعة واحد معرفة وبصراحة العربية من يوم ما شوفتها اصلا وكانت عجبانى جدا جدا
واهو جت الفرصة وبيبيعها وبسعر معقول يعنى مش غالى ولا رخيص
وهى موديل 2003 كاملة فتحة سقف فتيس سيترونيك وAbs و abd و12ايرباج ومثبت سرعه وتحكم طارة وتكييف تاتش ماكينة 1800 تربو وجنط 17 بتاع المصنع وهى بالكامل لا يوجد بها قلم بوهيه (لأنها استيراد خارج) , وهى ماشية 127000 ميل يعنى حوالى 210الف كيلو ومعلوماتى انه مش بيصرف عليها غير زيت وبنزين فقط ومش مهتم بيها اوى لكن كل حاجه فيها شغالة دون مشاكل
المهم انا ما عمريش كنت ركبتها قبل كدا غير انى بشوفها معدية من قدامى زى الطيارة ما شاء الله عليها
نيجى للمهم النهارده روحتله علشان اكلمه واجربها وكدا وبالفعل كانت التجربة
العربية وهى مطفيه عربية على الزيرو باستناء حاجتين درج التابلوه الفقفل بتاعه مكسور ومش عارف دا ايه ظروه بيتصلح ولا ايه لان الصالون اسود فى رمادى وبالتالى صعب الاقيه شونه (كل الموجود بتاع الجولف4 الاسود) , تانى حاجه هى الشبكة والعلامة اللى قدام مسروقين كعاده الفولكس عموما
غير كدا الصالون والغرفة ومن برا جديدة جدا ما شاء الله
المهم جيت ادور (وياريتنى ما دورت ) العربية بتترعش شوية وصوتها عالى شوية وفيها لمبات كتير منورة فى التابلوه زى لمبة الزيت والabs وعلامة دواسة كدا
بالاضافة لصوت غريب زى صوت مروحة بتخبط فى حاجه كدا والماكينة من الغرفة من غير غطاء بلاستيك زى ما كنت متصور (مش عارف دا الطبيعى ولا لأ) وفيه آثار زيت على وش الماكينه
ولاحظت كمان ان الماكينة متركبة بالخلف غير اى عربية شوفتها قبل كدا بعنى ان البوابة والرشاشات من قدام والفرن والتيربو من ورا
انا بفهم فى العربيات بحكم الخبرة ولكن الصراحة قدام العربية دى حاسس انى مش فاهم حاجه خالص يعنى انا معايا الميتسوبشى قطع غيراها رخيصة جدا جدا وموجودة بس انا زهقت وعايز اغير
انا خايف اشتريها والبس مشكلة كبيرة فيها خصوصا ان قطع غيراها غالية جدا واحنا ما عندناش صنيعية فى الالمانى كويسين هنا فى بورسعيد

[miam0502788391]

بص انا هعلق على حاجة واحدة وهى موضوع زيت على المتور
اخو واحد صاحبنا كان اشترى بورا 2002 وطلع فيها مشاكل فى الموتور بعد ما كان اشترى خلاص , وداها للميكانيكى قاله دى عايزة موتور استيراد ( كده على طول من غير ما يجرب عمره او خلافه) , الراجل نزل والميكانيكى بورسعيد واشنروا متور بالفتيس على ما أذكر كان ب 10.000 جنيه ( طبعا ضربه توجع القلب ) , وبعدين زهق منها لأن مصاريفها غالية راح باعها وخسر فيها 10.000 جنيه , يعنى وضبها وفى الآخر باعها بخسارة .
الخلاصة الكلام اللى حضرتك بتقول عن السيارة مش مطمن لإابعد احسن وربنا يجعلك الخير فى غيرها

[soltanfriend]

ربنا يطمنك ;(

[mando2002m]

جبتها ولا لا انا على فكرة من بورسعيد وبفكر اشترى بورااا