لمبة الزيت بتنور وترجع تطفى بعد ما أدوس بنزين

[khaled202020]

السلام عليكم
يا جماعة أرجو من الخبراء مساعدتى، عندى لمبة الزيت بتنور ومعاها طبعا صوت صافرة الانذار، لكن بعد ما ادوس بنزين بتطفى ولو بطلت ادوس بنزين بترجع تنور تانى، غيرت طلمبة الزيت والفلتر والمشكلة ما اتحلتش، فيه فنى قالى فيه نسبة تسريب زيت من مكان ما، لما تدوس بنزين الزيت بيتحرك واللمبة تطفى لكن لو مش دايس ترجع تنور لكن امشى عادى دى مش مشكلة عويصة واغلب الاسبرانزا كده، حد عنده الحل أرجوكم ملحوظة السيارة سبرانزا 516 وهيه جميلة معايا ما عدا العيب ده اللى عاملى صداع، وعلى فكرة الكلام ده بيحصل لما العربية تشتغل شوية يعنى بعد 10دقائق من السير مثلا/ ملحوظة أخرى الكلام ده حصل بعد ما غيرت جوان وش السلندر الجوان بس اللى اتغير ومن غير ما يتخرط الوش لأنه مش محتاج، آسف للإطاله وأرجو مساعدتى

[khaled202020]

إيه يا جدعان هو مفيش حد معبرنى ليه، مش ده منتدى الصيانة برضو ولا أنا دخلت غلط

[حسام السويدي]

انا حصلت معايا في لانوس
بس كنت لسة شاريها ومش علي لمبة الزيت
وغيرت الماتور
اوعا تمشي علي المبة
ناس قلت ساعة الزيت بايظة وناس قالت الي بايعلي العربية منه لله كان حاظتة زيت تقيل فبعد مغيرته الماتور رزع
كان نفسي اسعدك بس روح لميكانيكي متخصص في نوع عربيتك

[atgps]

المشاركة الأصلية كتبت بواسطة khaled202020 السلام عليكم يا جماعة أرجو من الخبراء مساعدتى، عندى لمبة الزيت بتنور ومعاها طبعا صوت صافرة الانذار، لكن بعد ما ادوس بنزين بتطفى ولو بطلت ادوس بنزين بترجع تنور تانى، غيرت طلمبة الزيت والفلتر والمشكلة ما اتحلتش، فيه فنى قالى فيه نسبة تسريب زيت من مكان ما، لما تدوس بنزين الزيت بيتحرك واللمبة تطفى لكن لو مش دايس ترجع تنور لكن امشى عادى دى مش مشكلة عويصة واغلب الاسبرانزا كده، حد عنده الحل أرجوكم ملحوظة السيارة سبرانزا 516 وهيه جميلة معايا ما عدا العيب ده اللى عاملى صداع، وعلى فكرة الكلام ده بيحصل لما العربية تشتغل شوية يعنى بعد 10دقائق من السير مثلا/ ملحوظة أخرى الكلام ده حصل بعد ما غيرت جوان وش السلندر الجوان بس اللى اتغير ومن غير ما يتخرط الوش لأنه مش محتاج، آسف للإطاله وأرجو مساعدتى

انت جاوبت على السؤال، المشكلة فى جوان وش السلندر، أثناء صعود الزيت لوش السلندر من خلال فتحة صغيرة فى الجوان، يتم تهريب بعض الزيت وعودة مرة آخرى الى كارتيرة الزيت من خلال عيب فى الجوان، غير الجوان عند ميكانيكى موثوق فيه وتنظيف المنطقة حول فتحة الزيت سواء فى البلوك أو فى وش السلندر، ولا تستعمل السيارة حتى تختفى تلك المشكلة.

[khaled202020]

المشاركة الأصلية كتبت بواسطة atgps انت جاوبت على السؤال، المشكلة فى جوان وش السلندر، أثناء صعود الزيت لوش السلندر من خلال فتحة صغيرة فى الجوان، يتم تهريب بعض الزيت وعودة مرة آخرى الى كارتيرة الزيت من خلال عيب فى الجوان، غير الجوان عند ميكانيكى موثوق فيه وتنظيف المنطقة حول فتحة الزيت سواء فى البلوك أو فى وش السلندر، ولا تستعمل السيارة حتى تختفى تلك المشكلة.

أولاً بكل تأكيد بشكرك على اهتمامك، بس هل عندك تفسير إن اللمبة ما بتنورش إلا لما العربية تسخن يعنى بعد حوالى 10 دقائق من قيادتها؟ لأن اللمبة ما بتنورش فى بداية القيادة