الاكتفاء الذاتى - وسلملى عالحكومة

[alaatitoo]

السلام عليكم ورحمة الله وبركاته


كل يوم اصحى اروح شغلى الصبح انزل الشارع اشمئز من المنظر زبالة ومجارى وحنفيات متسابة وكلاب وقطط وشممامين وحشاشين الخ الخ وغير كده واهم حاجة ست راحه شغلها الصبح قام جه من وراها اتنين شباب راكبين موتوسيكل وهوب خطفوا الشنطة وغيرها وغيرها وده عيوب كل منطقة مع ان والله الست اتسرقت قدام النقطة فى منطقة الحرفيين - السلام وكل يوم على هذا الحال ............. المهم ياعم انت رغاي كده ليه متخلص وخش فى الموضوع

عنيا حاضر الموضوع بدا بفكرة جوا دماغى بسبب اللى بشوفه كل يوم فى منطقتنا المهم الموضوع ده هو اكتفاء ذاتى لكل منطقة يعني انا هاخد اهم مشكلتين النظافة والامن فكرت ساعتها على طول فى المسجد والكنيسة يعني عندنا مسجد وعندنا كنيسة فى المنطقة فقولت ليه مكلمش الناس الكبار هنا وهنا الشيوخ يعنى والقسيسين ونعمل زي مؤتمر صغير فى المنطقة يوم جمعة مثلا ونقترح فيه انشاء جمعية خاصة بالمنطقة الجمعية ده وظيفتها انها تنظف المنطقة وتامن المنطقة ومنها نقدر نساعد شباب انهم يشتغلوا فيها ازاى انا هقولكم دلوقتى
لو كل شقة وكل محل فى المنطقة يدفع 2 جنيه اشتراك شهرى بكده هنلاقى مرتب
المرتب ده هنعمل بيه ايه هنديه للشباب اللى هيتعينوا للنظافة وهنا بقى النظافة هتكون بزى رسمى وعدد وادوات حضارية عشان الشكل العام بتاع الشاب يكون كويس وميحسش انه اقل مننا وثانى حاجة وهى نعين شباب برده لحماية المنطقة وخصوصا دوريات بليل عشان السرقات وبزى رسمى وهنا نقدر نقول اننا بنساعد الشرطة برده وبنحمى منطقتنا وبنشغل شباب

طب هتقولى ان ممكن يفضل فلوس من اللى بنجمعها اقولك اننا نقدر نعمل بيهم تشجير للمنطقة وثانيا مساعدات للفقراء وثالثا تصليحات الاعطال فى المنطقة والخ الخ

بكده ياشباب نقضي على كذا مشكلة واهمهم

النظافة
والامن
البطالة
الفقر بمعنى ( مساعدة المحتاجين )

وغيرهم كتيييييييييييييييير

غير كده نقدر كمان نعمل حفلات ومعارض خيرية جوا المنطقة

تخيلوا معايا يا شباب لو كل منطقة عملت كده هنحتاج ايه اكتر من كده
بالعكس هنقدر نخلى كل منطقة بتحاول تكون احسن من المنطقة اللى جنبها

ياريت يا جماعة كلنا نفكر بجدية عشان خاطر بلدنا ونسيبنا من الحكومة اللى مش عاوزة تعمل حاجة لينا - وربنا ساعتها هيدى كل واحد على قد نيته


والسلام ختام

[أيمن الروبي]

المشاركة الأصلية كتبت بواسطة alaatitoo السلام عليكم ورحمة الله وبركاته كل يوم اصحى اروح شغلى الصبح انزل الشارع اشمئز من المنظر زبالة ومجارى وحنفيات متسابة وكلاب وقطط وشممامين وحشاشين الخ الخ وغير كده واهم حاجة ست راحه شغلها الصبح قام جه من وراها اتنين شباب راكبين موتوسيكل وهوب خطفوا الشنطة وغيرها وغيرها وده عيوب كل منطقة مع ان والله الست اتسرقت قدام النقطة فى منطقة الحرفيين - السلام وكل يوم على هذا الحال ............. المهم ياعم انت رغاي كده ليه متخلص وخش فى الموضوع عنيا حاضر الموضوع بدا بفكرة جوا دماغى بسبب اللى بشوفه كل يوم فى منطقتنا المهم الموضوع ده هو اكتفاء ذاتى لكل منطقة يعني انا هاخد اهم مشكلتين النظافة والامن فكرت ساعتها على طول فى المسجد والكنيسة يعني عندنا مسجد وعندنا كنيسة فى المنطقة فقولت ليه مكلمش الناس الكبار هنا وهنا الشيوخ يعنى والقسيسين ونعمل زي مؤتمر صغير فى المنطقة يوم جمعة مثلا ونقترح فيه انشاء جمعية خاصة بالمنطقة الجمعية ده وظيفتها انها تنظف المنطقة وتامن المنطقة ومنها نقدر نساعد شباب انهم يشتغلوا فيها ازاى انا هقولكم دلوقتى لو كل شقة وكل محل فى المنطقة يدفع 2 جنيه اشتراك شهرى بكده هنلاقى مرتب المرتب ده هنعمل بيه ايه هنديه للشباب اللى هيتعينوا للنظافة وهنا بقى النظافة هتكون بزى رسمى وعدد وادوات حضارية عشان الشكل العام بتاع الشاب يكون كويس وميحسش انه اقل مننا وثانى حاجة وهى نعين شباب برده لحماية المنطقة وخصوصا دوريات بليل عشان السرقات وبزى رسمى وهنا نقدر نقول اننا بنساعد الشرطة برده وبنحمى منطقتنا وبنشغل شباب طب هتقولى ان ممكن يفضل فلوس من اللى بنجمعها اقولك اننا نقدر نعمل بيهم تشجير للمنطقة وثانيا مساعدات للفقراء وثالثا تصليحات الاعطال فى المنطقة والخ الخ بكده ياشباب نقضي على كذا مشكلة واهمهم النظافة والامن البطالة الفقر بمعنى ( مساعدة المحتاجين ) وغيرهم كتيييييييييييييييير غير كده نقدر كمان نعمل حفلات ومعارض خيرية جوا المنطقة تخيلوا معايا يا شباب لو كل منطقة عملت كده هنحتاج ايه اكتر من كده بالعكس هنقدر نخلى كل منطقة بتحاول تكون احسن من المنطقة اللى جنبها ياريت يا جماعة كلنا نفكر بجدية عشان خاطر بلدنا ونسيبنا من الحكومة اللى مش عاوزة تعمل حاجة لينا - وربنا ساعتها هيدى كل واحد على قد نيته والسلام ختام

احييك علي هذه الفكره الممتازه
وبكده نقدر نرتقي بكل منطقه
بس ياريت يكون الناس عندها استعداد للمشاركه في العمل ده
تكون الجمعيه في كل منطقه كيان مستقل يحتوي علي اصطف يقدر ينهض بمستوي المنطقه المسئوله عنها الجمعيه

[alaatitoo]

المشاركة الأصلية كتبت بواسطة aimooo احييك علي هذه الفكره الممتازه وبكده نقدر نرتقي بكل منطقه بس ياريت يكون الناس عندها استعداد للمشاركه في العمل ده تكون الجمعيه في كل منطقه كيان مستقل يحتوي علي اصطف يقدر ينهض بمستوي المنطقه المسئوله عنها الجمعيه

جزاك الله كل خير , ياريت فعلا تتطبق وياريت احنا كشباب نطبقها انا باذن الله الجمعة القادمة بعد صلاة الجمعه هجتمع مع شيوخ المنطقة واعرض عليهم الفكرة وكمان اخوانا المسحيين يعرضوا الفكرة عندهم فى الكنيسة عشان يبقي فى توافق وحدش يحس بالتفرقة

[حبيب الناس]

فكره رائعه اجو تثبيت الموضوع ليراه كل الاعضاء في المنتدي
انا عن نفسي هحاول اطبق الفكره ده عندنا في المنطقه
ونخلي الموضوع نتناقش فيه عن المشكلات اللي هتقابلنا
لاننا هتقابلنا مشاكل كتير بس اكيد لو فكرنا كلنا مع بعض بنفس الطريقة ده المشاكل هتتحل

[alaatitoo]

جزاك الله خير يا استاذ حبيب