|
لادا LADA لادا الروسية LADA احدى شركات اوتوفاز AvtoVAZ الروسية بدات فى السبعينيات بتجميع سيارات فيات 124 واستمرت فى تقديمها بشكل اقتصادى لعشرات السنين تمشيا مع الفكر الشيوعى الروسى الا انها الان تسعى للمنافسة والتجديد بعد شراكتها مع مجموعة رينو - نيسان |
|
أدوات الموضوع |
#1
|
||||
|
||||
حد عاقل يعمل كدة (سخونة الـ لادا 2107)
جالى صاحبى وهو مهموم عمال يصرف على العربية (لادا 2107 )ما بين ميكانيكى وبتاع ردياتير عشان العربية بتسخن ومش عارف يظبطها
المعطيات:- بيانات اساسية موديل 2007 - عداد 50 الف - حالة منتازة البيانات المتغيرة ردياتير الشركة (الومنيوم واحد ماسورة ) مروحة كهربائية (5 ريشة ) ثرموستات الكوعة متشال البطارية بتنام كل شوية العربية بتولع من مشوار خمس دقايق والمياة بتغلى فى القربة صوت الموتور ناعم مش خشن فى بخار زيت طالع من الفايظ طبعا الميكانيكى شال ثرموستات الكوعة عشان العربية دى معمولة فى روسيا ولازم فى مصر تتشال بتاع الردياتير طلب منة انة يركب ردياتير نحاس 3 ماسورة مصانع ومركبلة ثرموستات 80/62 وطبعا المروحة شغالة طول الوقت وبتنيم العربية الخطوات المتبعة فى الاصلاح اشتريت من حمدى لادا ثرموستات الكوعة اللى بيقفل المياة عن الردياتير بـ 55 جنية روسى اصلى اشتريت ثرموستات مروحة 90/80 ونضفنا وسلكنا الردياتير الـ الومنيوم رحت عند الميكانيكى هوينا على التاكيهات شوية وشيكنا على التقسيمة (سير جنزير) النتيجة :- عداد الحرارة ثابت زى الالف فى تلت الاخضر ولا بينقص ولا بيزيد والتجربة كانت يوم السبت 11/8/2012 فى عز الظهر بخار الزيت اللى خارج من الفايظ تلاشى نهائيا الميكانيكى اللى كان ظابطلة التاكيهات قبل كدة كان مخليها محملة عشان يفرحة بصوت الموتور وطبعا دة كان على حساب سخونة زيادة وبرجلة فى المكنة السحب اتحسن جدا جدا الدرس المستفاد ثرموستات الكوعة هو حاجة مهمة ونزعة وتطبيب مكانة بخشبة طريقة غلط خصوصا مع الردياتير الالومنيوم ومن هنا جاء اسم الموضوع "حد عاقل يعمل كدة "...........ولكن ممكن نعمل كدة مع الردياتير النحاس الـ 3 ماسورة ووقتها نركب مروحة تبريد على سير كمان لازم نستفاد ان الثرموستات الـ 80/62 دة بيخلى المروحة تشتغل طول الوقت وبتنيم البطارية
__________________
يااااااااااااا رب إرحمنا بقدرتك علينا |
#2
|
||||
|
||||
رد: حد عاقل يعمل كدة (سخونة الـ لادا 2107)
تسلم يا استاذ / محمد على الموضوع الرائع
|
#3
|
||||
|
||||
رد: حد عاقل يعمل كدة (سخونة الـ لادا 2107)
شكرا على نقل التجربة
|
#4
|
|||
|
|||
رد: حد عاقل يعمل كدة (سخونة الـ لادا 2107)
يعني سخونة العربية بتسبب خروج بخار زيت من الفايظ؟
|
#5
|
||||
|
||||
رد: حد عاقل يعمل كدة (سخونة الـ لادا 2107)
لا دة كان نتيجة التاكيهات المحملة
__________________
يااااااااااااا رب إرحمنا بقدرتك علينا |
أدوات الموضوع | |
|
|