مشكلة طلمبة البنزين فى الفليشيا

[eng_gouda2000]

السلام عليكم ورحمة الله وبركاتة

هدخل فى الموضوع على طول من يومين خرجت بالعربية وفي السكة قطعت مني بنزين المهم جبت ميكانيكي وبعد عذاب قدر يحدد أن طلمبة البنزين تالفة

فكيت القديمة وهيا كانت عليها علامة ميتسوبيشي

ركبت واحدة صيني سعرها 85 جنية

تاني يوم عملت نفس الحركة العربية بطلت زقيتها لاقرب ميكانيكي قالي طلمبة البنزين قاطعة مش مطلعة بنزين المهم صلح الطلمبة بتاعتي اللى عليها علامة الميتسوبيشي قالي روح لاقرب كهربائي سيارات

المهم يادوب عند الكهربائي والعربية راحت مبطلة فضلت ألف فى مدينة الحرفيين عندنا فى حلوان على طلمبة إستيراد ملقتش

المهم رجعت الطلمبة الصيني للمحل ولقيت طلمبة زي اللي كنت جايبها الصيني بس مكتوب عليها أنها ماليزي وبردة سعرها 85 جنية أشتريتها وركبتها

السؤال هنا فية ملاحظة على الطلمبة أنها شغالة وعاملة صوت تكتكة على طول هوة مش المفروض أنها تحضر بنزين والصوت دة يختفي زي القديمة والطلمبة الصيني اللى ركبتها لمدة يوم واحد بردة كانت بتعمل كدة سألت واحد قاللي دة الطبيعي بتاعها

المهم لما روحت البيت بحط ايدي على الطلمبة لقيتها سخنة جداً هل هذا الطبيعي

ولو حبيت أشتري واحدة استيراد نضيفة أجيبها منين وبكام ولكم حزيل الشكر

ودة رابط الصورة
http://i823.photobucket.com/albums/z...i/DSC_0034.jpg

مرفق صورة تقريبية للطلمبة اللي اشتريتها مع العلم بأن الصيني زي الماليزي زي الياباني كلة شكل واحد مع اختلاف الاستيكر الملصوق عليها وشكل العلبة الخارجي

[mhamdy75]

دى مش الطرمبة بتاعتها

بس تشتغل عادى

طرمبة الاسكودا مش كهرباء

وانا عندى واحدة أصلية كنت خلعتها

من عربية وطلعت مش هى سبب المشكلة

لو عايزها اتصل بي

[eng_gouda2000]

المشاركة الأصلية كتبت بواسطة mhamdy75 دى مش الطرمبة بتاعتها بس تشتغل عادى طرمبة الاسكودا مش كهرباء وانا عندى واحدة أصلية كنت خلعتها من عربية وطلعت مش هى سبب المشكلة لو عايزها اتصل بي

]

الف الف شكر ياباش مهندس محمد على ذوق حصرتك

[murder_1991]

فى سد عندك فى خرطوم البنزين الى داخل على الطلمبه او و غير فلاتر البنزين و ادعيلى دى خبره سنين مع الفليشيا