يا ريموتي يا مدوخني

[zego]

معاي بيرسونا اليجانس 2011
ومن مدة 6 شهور كدا جيت أفتح مرة العربية لاقيت السنتر ما بيشتغلش بس بتعمل الصوت المسلوع بتاعها ده واللوك ما بيفتحش فروحت لتوكيل الغدر اللي في المنصورة قعد كام ساعة كدا وطلع يقولي طبيعي طبعا بعد الزعيق معاه قال خلاص فوت علينا كمان كام يوم كدا قولت ماشي قاللي مشكلتك في الحجر اللي في الريموت ولازم يتغير قولت له بصراحة اول مرة اشوف حاجة زي كدا عربية جديدة وع الزيرو والحجر يخلص قاللي ده عمر افتراضي زي الانسان قولت والضمان قاللي ده ب 5 جنيه وبعدين ده حسب الاستهلاك مشيت وقولت مش مستاهلة واتعودت كان كل شهر حوالي كدا اغير الباشا من شهرين اتجننت وقولت اروح عز العرب أو ( ذل القرف ) طبعا من غير ما نخش في المعاملة بتاعتهم والنظام الزبالة اللي قريته وسمعته فكنت رايح وعامل حسابي اني ابقي بااااااااااااااااااااارد جدا وقولت لهم علي المشكلة دي خاده وقال هنكوده والمفأجاة كل اسبوع بالكتير اوى اوي 10 أيام ترجع ريمة لعادتها القديمة اهزه شوية كدا او افكه واربطه برده حالف عليا لايتغير يعني عنت باصرف عليه اكتر من نفسي الريموت لوحده عايز له 3 احجار في الشهر اوطبعا احراج بقي ادام الناس وبابقي في نص هدومي وانا بافتح من الباب
بصراحة كلامي فيه هزار شوية لان بجد انا مخنوق اوي حاجة هايفة بس مضايقاني قوقوا لي اعمل ايه ربنا يبارك فيكم يا جماعة

[zego]

أهم حاجة يا جماعة نزود عدد المشاهدات انما نرد استحالة .
نخش نتفرج ونقرا طب يبقي ايه الاستفادة بقي ان احنا موجودين في المنتدي

[hyundai 2005]

يا عم روق بس مش مستاهله ده كله
بس بصراحه المشكله غريبه طيب ايه اخبار الريموت الاسبير نفس الموضوع ولا ايه ؟؟؟؟؟؟؟؟؟؟؟؟؟؟
والاكتر من غريب انك بتقول انه لما بتدوس عليه بيعمل تاثير عالعربيه لاكن مابيفتحش انا شاكك في دايره الريموت اللي فالعربيه .

[zego]

جربت حوالي 10 انواع من البطاريات الصيني والياباني والتايلاندي وكل حاجة وبرده نفس الوضع
الريموت التاني لسه مستعمله من 3 ايام كدا شغال تمام

[samirayad]

عيب ريموت

ولازم تغيره

وهذا حقك

طالما أنت لسه فى الضمان