البنزين والكربراتير

[waelsalah]

السلام عليكم

البنزين ازماته بقت خنيقه جدا
حسبنا الله ونعم الوكيل

العربيه اكسيل 1500
والاستهلاك مش عاجبني من 100 -110 كم للصفيحه بدون تكييف
والميكانيكي مرضاش يحل الكربراتير يغسله
واستغرب جدا لما قولتله نغسله بتنر وكانى قولت منكر

وقالى ده كبيره تجيبلي منظف كربراتير وانا اعملهولك وهو راكب لأن حله زى قلته لان عندك بوش فى الاكس والباب
وعاوز كربراتير جديد بحاله
قلتله انا كنت مغيرا لجزء العلوى اللى فيه مسمار الهوا وكان الاستهلاك بيوصل الى 140 كم فى الزحمة للصفيحه و200 فى الطوالى للصفيحه
مش عارف بقا
اعمل اكس وباب
ولا لازم يتغير الكربراتير على بعضه ؟ بس غالى بيتكلمو ا فى 500 ج
وانا صارف عليه قبل كده حوالى 150 ج

فى تاجر قالى فى كربراتير عندى بس مسمار العمة مكسور وهيحسبهولى ب 250 ج
الميكانيكي يقولى ده عك مفيش حاجه اسمها نص يركب على نص
لازم كربراتير على بعضه ( ميكانيكي تنك حبتين )

معلش طولت فى عرض المشكله

متابع الرد باهتمام شديد جدا وشكرا جزيلا

[mhamdy75]

والله لو حتى هاتشترى واحد جديد

هــــــــــــــــــــــــ ات الكاربريتور

لأنك هاتدفع تمنه 10 مرات بنزين

[خميس حسن]

انا رايى تعمل اكس وباب وتغير طقم بكات

[samirayad]

فى تاجر قالى فى كربراتير عندى بس مسمار العمة مكسور وهيحسبهولى ب 250 ج

هات ده

وأتفق إنه على تجربه

وخللى الميكانيكى بتاعك يشوفلك بابه وأكسه قبل التركيب

وإذا كان على المسمار المكسور

فأمره سهل

هيتحل بأى وسيله فى حالة الإطمئنان على الكربوراتير

وتركب واحد مكانه

أو تاخد مسمار المشكوك فى أمره الحالى

وتركبه مكان المسمار المكسور

[waelsalah]

انا روحت لميكانيكي آخر
وحل بوجيه لقاه مهبب
وقالى كده لازم تاكل بنزين
ههحل الكربراتير وهنضفه بالمنظف
ومجابليش سيرة لا اكس ولا باب
اكمل معاه واروحله بكره ولا ارجع للى عاوز يغير الكربراتير ومش عاوز يحله ؟

هو ده الميكانيكي الاولانى اللى ركبلي نص الكربراتيرا لعلوى اللى فيه مسمارا لهوا كان بايظ
ومجابليش سيرة الاكس والباب
بس كان قال على بوش مسمار من ضمن مسمارا لقاعدة اللى بيتثبت فيها الكربراتير انه مفوت ومعوج شوية بس مش مأثر ؟

ايه رايكم ؟
وشكرا جزيلا