نيسان صني 2010 اوتو

[acasper3d]

بسم الله الرحمن الرحيم :
انا عندي شوية حاجات في العربية كنت عاوز اشيرها معاكم اصدقائي رواد المنتدي الكرام :
1- العربية عاملة 30000 كم . اول مشكلة كانت بعد 10000 كم ,ان في تاخير في نقل الغيار وخاصة لما تكون العربية باردة , بكون ماشي وبعدين ال rpm يبعلي وبعد كده بيبقي في زي نتشة او عضة ودي بتحصل علي لما بيتيجي تنقل من الاول لل تاني .
2-بعد ال 20000 كم في صوت هواء من عند البابيين الاماميين ,وفي التوكيل غيروا الجوانات بيتاعت البابيين ولسة نفس المشكلة.
3-كنت لسة نازل وبدور العربية وماشي ,وفجأة بدوس بنزين والعربية زي تكون فاصلة كهربة بس لسا دايرة , ورحت من المحور في اكتوبر لمدينة نصر, والعربية عمالة تنتش . روحت التوكيل (السبع ) ,قالي ان ده عيب البطارية عشان سايلة وكانت بقاها سنة وشوية . غيرت البطارية ,وتمام.
4-دي حاجة لاحظطها هي اني مثلا لما ادوس علي زرار الزجاج ال rpm بينزل وكل لما استخدم الاربعة زرارير مع بعد ال rpm بينزل جامد والنور بيضعف ول ماشي علي السلانسية العربية سرعتها بتقل .
اخيرا انا حاسس ان في مشكلة في ضفيرة الكهربة , او الدينامو وصراحة انا بقيت مدايق جدا من العربية . وانا كمان كام يوم انشاء الله رايح التوكيل عشان صيانة ال30000 كم .
في ايه الي ممكن اقولهولهم في التوكيل علي الكلام ده

[jojojojojo]

اولا مساء الخير انا فعلا عندي تنتيشه كده هي مش ع طول والعربيه بارده المشكله وانا في التوكيل بعمل الصيانه التنتيشه ديه ببتروح وساعات التنتيشه ديه بتبقي موجوده والعربيه سخنه وخاصه فعلا في اول نقلتين انا عربيتي اتوماتيك موديل 2012 فمش عارف ديه كده عيب واقولهم ايه ياريت اي عضو يفدينا انا والعضو اللي عنده المشاكل ديه

[dr_eslam_66]

هوا معلش برضوا بالنسبة للتنتيشة الأول:
إنتا ميزان نفسك ياعني أولا المفروض إنك مابتتحركشي بالعربية غير لما تسخن ثانيا الطبيعي إني الآر بيإم يعلى في آخر النقلة ويوطى فجأة أول ماينقل وإلا ماكانشي هينقل, ودا بيسبب النتشة الطبيعية حتى لما بتكون سايق مانيوال بتحس بيها.
عموما خد بالك إنك إنتا وواحد صاحبك لو إنتوا الإتنين سايقين عربية مانيوال واحدة وهوا نزل وإنتا ركبت ممكن هوا ماتحسش معاه باغيارات وتكون ناعمة ومعاك إنتا تكون بتحس بكل غيار.
هوا الموضوع يتقوف على عدة متغيرات إنتا بتدوس على الغيار (حتى لو أوتو) ولا لما بتوصل مثلا 3000 بتدي سنة هوى للدواسة وتلاقي الجير نقل طيب لما بتلاقي الآر بي إم خلاص نقل ووطي بتخف رجلك من على البنزين ولا بتفضل دايس نفس الدوسة كمان نسب التروس اللاحقة بتبقى الفروق بينها أقل طبعا بين الترس الأول والتاني ونسب تروس كل عربية مختلفة عن التانية تبعا لموديل العربية.
بالنسبة لمشكلة الكهربا الي مع الأخ هل بعد ما غيرت البطارية كل مشاكل ضعف الشحن دي ظهرت ولا دا من قبلها وهل لما غيرت إختفت العيوب دي ولا لسة مستمرة.
(أظن عندك مشكلة في دايرة الشحن وهيا الي فضلت تضغط عندك على البطارية لما هلكت الأولانية في عمر إفتراضي قليل إنما الضفيرة صعب شوية وإلا إنك تكون إنتا عملت فيها بعض الشغل قبل كدة)
رد ووضح مشكلتك أكتر وإنشاء الله أحد الأعضاء الكرام يحللك مشكلتك.

[acasper3d]

المشاركة الأصلية كتبت بواسطة jojojojojo اولا مساء الخير انا فعلا عندي تنتيشه كده هي مش ع طول والعربيه بارده المشكله وانا في التوكيل بعمل الصيانه التنتيشه ديه ببتروح وساعات التنتيشه ديه بتبقي موجوده والعربيه سخنه وخاصه فعلا في اول نقلتين انا عربيتي اتوماتيك موديل 2012 فمش عارف ديه كده عيب واقولهم ايه ياريت اي عضو يفدينا انا والعضو اللي عنده المشاكل ديه

هي بالظبض الي حضرتك قولته الله ينور عليك ,بس لما كنت سألت في التوكيل قالي دي عادي , المشكلة ان مفيش مرة التنتيشية دي حصلت والمهندس بيجرب العربية

[acasper3d]

المشاركة الأصلية كتبت بواسطة dr_eslam_66 هوا معلش برضوا بالنسبة للتنتيشة الأول: إنتا ميزان نفسك ياعني أولا المفروض إنك مابتتحركشي بالعربية غير لما تسخن ثانيا الطبيعي إني الآر بيإم يعلى في آخر النقلة ويوطى فجأة أول ماينقل وإلا ماكانشي هينقل, ودا بيسبب النتشة الطبيعية حتى لما بتكون سايق مانيوال بتحس بيها. عموما خد بالك إنك إنتا وواحد صاحبك لو إنتوا الإتنين سايقين عربية مانيوال واحدة وهوا نزل وإنتا ركبت ممكن هوا ماتحسش معاه باغيارات وتكون ناعمة ومعاك إنتا تكون بتحس بكل غيار. هوا الموضوع يتقوف على عدة متغيرات إنتا بتدوس على الغيار (حتى لو أوتو) ولا لما بتوصل مثلا 3000 بتدي سنة هوى للدواسة وتلاقي الجير نقل طيب لما بتلاقي الآر بي إم خلاص نقل ووطي بتخف رجلك من على البنزين ولا بتفضل دايس نفس الدوسة كمان نسب التروس اللاحقة بتبقى الفروق بينها أقل طبعا بين الترس الأول والتاني ونسب تروس كل عربية مختلفة عن التانية تبعا لموديل العربية. بالنسبة لمشكلة الكهربا الي مع الأخ هل بعد ما غيرت البطارية كل مشاكل ضعف الشحن دي ظهرت ولا دا من قبلها وهل لما غيرت إختفت العيوب دي ولا لسة مستمرة. (أظن عندك مشكلة في دايرة الشحن وهيا الي فضلت تضغط عندك على البطارية لما هلكت الأولانية في عمر إفتراضي قليل إنما الضفيرة صعب شوية وإلا إنك تكون إنتا عملت فيها بعض الشغل قبل كدة) رد ووضح مشكلتك أكتر وإنشاء الله أحد الأعضاء الكرام يحللك مشكلتك.

شكرا دكتور اسلام , بالنسبة للنتشة الي بتحصل هي في اغلب الوقت بتحصل لو العربية باردة بس ساعات ممكن تحصل لو سخنة , وهي انا مثلا دايس علي البنزين بنسبة عادية بيجي قبل ما ينقل وبيأخر rpm بعدين بالظبط كان العربية نطط قدام ورجعت ورة تاني بس اكيد مش بالقوة دي بس انتا لو سايق ممكن تتحرك في الكرسي , اما بالنسبة للبطارية فهي باطرية كلورايد مصري سايلة , وانا مش عارف كنت حاسس انها صغيرة ,وصراحة كنت عاوز اغير البطارية ب varta جافة وكنت عاوز اجيب واحد حتي لو اكبر من الفولت بتاع العربية , بس لو كان في تسريب في الشن كانت البطارية نامت او ان العربية مدورش , بس العربية كانت دايرة بس دواسة البنزين هيا الي كانت بتفصل وتشتغل , والكلام ده حصل لمدة يوم واحد وتاني يوم وانا رايح التوكيل محصل اي حاجة ,بس في التوكيل قالي ان المشكلة في الاغلب في البطارية .بس انا حاسس ان في مشكلة في ال grearbox والكهربة بس . المشكلة ان لو قولت كده في التوكيل هيأقولي طيب هنشوف وبعدين يقول مفيش حاجة , فا لو في بعض النقاط المححدة الي ممكن اقدر اقول عيلها بحيث يقدر في التوكيل يركز علي النقط دي يبقي جيد جدا .
وشكرا للاهتمام .