فورميولا الاهرام 2012

[mira lada]

احبائى اعضاء المنتدى الكرام...امبارح قمت بجولة داخل معرض فورميولا الاهرام 2012...بصراحة مستوى المعرض جيد و العيب الوحيد لهذا العام هو تخلف بعض الشركات الهامة زى هيونداى و تويوتا و سكودا و فيات و لادا و نيسان و اسبيرانزا و ستروين.اما الشركات المشاركة فهى بيجو و بورش و سيات و رينو و سوزوكى و هوندا و كيا و مينى كوبر و مرسيدس و bmw وفاو و سايبا و فورد و شيفورلية و اودى...اكبر قسم كان علية اقبال هو الرينو لان اللوجان الاوتوماتيك و السانديرو الاوتوماتيك كانوا عاملين انقلاب.سعر اللوجان الاتوماتيك 79 الف سعر ممتاز بالقياس بامكانيات العربية.قسم كيا كمان كان علية اقبال جامد وخصوصا ريو الجديدة حيث انها تبدو فخمة جدا من الداخل.لفت نظرى فى قسم البيجو ال 508 الجديدة و اعتقد انها حتكون منافس قوى للباسات و سعرها من 210 الى 240 الف.شفت فى قسم ال bmw موتوسيكل تمنة 240 الف جنية!!!!!لفت انتباهى شركة المانية لمنتجات العناية بالسيارات اسمها SONAX و حسيت ان منتجاتهم محترمة و اشتريت منهم شامبو غسيل للسيارة و فوطة لتلميع داخل السيارة و فوطة اخرى لتلميع السطح الخارجى كمان كان فية شركة مصرية اسمها العربية لصناعة الملمعاتXXX و شتريت منهم ملمع تابلوة و ملمع كاوتش.ارجو مااكونشى طولت عليكم و كل معرض و انتم طيبيين.

[luckyman]

ويا ترى كان فى تذاكر ؟ مصر البلد الوحيدة فى العالم اللى بتعمل تذاكر انا حضرت معرض عمان الدولى من كذا سنة ما شفتيش تذاكر وقبلها فى السعودية نفس الشىء ومعظم السيارات المعروضة لا تهم المستهلك المصرى
على كل حال شكرا لك انك وضحت ان معظم السيارات التى تهم المستهلك المحلى والماركات غير متواجدة ولك منى كل الاحترام

[mira lada]

المشاركة الأصلية كتبت بواسطة luckyman ويا ترى كان فى تذاكر ؟ مصر البلد الوحيدة فى العالم اللى بتعمل تذاكر انا حضرت معرض عمان الدولى من كذا سنة ما شفتيش تذاكر وقبلها فى السعودية نفس الشىء ومعظم السيارات المعروضة لا تهم المستهلك المصرى على كل حال شكرا لك انك وضحت ان معظم السيارات التى تهم المستهلك المحلى والماركات غير متواجدة ولك منى كل الاحترام

طبعا سعادتك تذكرة الدخول ب 20 جنية و رغم انى اعلامى و معايا كارنية الاذاعة و التليفزيون مرضتشى اطلعة احسن يحرجونى و يقولوا ما فيش استثناءات.اللطيف ان واحنا داخلين كان قدامى شاب معاة اسرة كاملة و قال للامن حتوقفونا تانى ما انا قلتلكم انى قوات مسلحة و ساعتها عرفت فعلا ان البلد اتغيرت بعد الثورة يعنى لو عليز تزوغ من اى تذكرة بدل ما تقول شرطة قول قوات مسلحة.

[luckyman]

ههههه انا متعاطف مع الجيش المصرى حاله منيل تعال شوف ظباط الجيوش والامتيازات وتعليم اولادهم وفرص المنح للخارج واراضى والعلاج مش اقولك اية ولاه اية عناية بافراد القوات المسلحة حتى سيارات ظباط الجيش حاجة محترمة مش علب صفيح لو قارنا مميزات افراد الجيش المصرى بغيره من الجيوش حتلاقى انهم متبهدلين معلش خلية ينبسط انا عمرى ما شفت فى حياتى ظابط متعلق فى اتوبيس او بيجرى ورا اتوبيس بس دى شفتها مررا وتكررا فى افراد منتمية لافراد الجيش المصرى اللى بفتخر به جرب كدة تروح تمون فى محطة الوطنية او تعمل سرفيس لعربيتك حاجة تمام وشكرا لك

[yaso12]

انا كنت هناك النهاردة والحقيقة معرض فعلا كان محتاج كل الشركات وخصوصا السوق واقع اليومين الدول.
ولكن اكتر عربية لفتت نظرى كانت كيا ريو الهاى لين تحفة بكل المقاييس من حيث الكماليات والتصميم والنسبة للاعلى سعرا فا من غير متفكر بيجو 508 حاجة جامدة جدا والباقى
- باسات سى سى الجديدة
- الفورد فوكاس
اما اسواء تصميم فكان السوزوكى سويف الجديدة بالبتاع اللى ورا دى المسماه شنطه