ارجو الافاده افادكم الله

[tefa22m]

انا معايا نوبيرا 2006 عندى مشكله لما ادوس على البنزين العربيه بحس انها بتنط مرتين ثلاثه جامد و المتور بيسك و لما اشيل رجلى مره واحده من على البنزين برضوا بتنط كده او بتتخطف مش عارف اوصف الحاله اوى .
و لما بسافر بيها لمبه التشك بتنور كتير و تفصل و بصراحه علبه الشكمان عندى الخلفيه فيها برومه بسيطه و هل ده ليه علاقه .
فى مكانيكى قالى ده حساس الشكمان و واحد تانى قالى حساس الايدل او حاجه زى كده
ارجو الافاده عشان تعبت من العربيه و طلباتها الى مش بتخلص

[samirayad]

إبدأ أولا

بعمل إسكانر للتعرف على سبب إنارة لمبة الأعطال

بصوره متقطعه

------------

ولو أنى شاكك أوى فى علبة الشكمان

ممكن تكون مسدوده أو متهتكه من الداخل

وعاملالك القلق دا كله

ارجو الافاده عشان تعبت من العربيه و طلباتها الى مش بتخلص

بالمناسبه

إيه الطلبات إللى عملتها للسياره

أو بمعنى أدق

ماهى الصيانه التى أجريتها على السياره ........؟

وهل أنت أول مالك .............؟

وماهو عدد الكيلومترات الحاليه للسياره ....؟

[محمد فيصل]

اتبع اخى الفاضل ارشادات المهندس /سمير
إن شاء الله تجد كل الخير

[tefa22m]

انا ثانى مالك للسياره منذ عامين و هى عامله 106 الف كم دلوقت و انا حطيتها على الكمبيوتر و الراجل قالى كل الحساست تمام و مفيش حاجه ظاهره على الكمبيوتر وبقول احتمال حساس الشكمان او الرشاشات و الله اعلم
انما انا مشكلتى الفعليه اللى والله صرفت عليها اكثر من 1000 ج لحد دلوقت و هى اللى كرهتنى فى العربيه
كانت الفرامل وحشه جدا رحت للزرانى فى الاسكندريه قالى مستر عمومى و غيرته و بعدين جابلى سيرفو و غيرت التيل الامامى مرتين و طنابير امامى استعمال و اديتهم مسحه هما و الطنابير الخلفيه و دلوقت الفرامل اصبحت بنسبه 70% بس لاحظت و انا رافع العربيه فى المحطه ان معظم العجل تقيل نصف قطر العجله و خفيف فى النصف الاخر و جالى احباط و سلمت امرى لله .

[samirayad]

و انا حطيتها على الكمبيوتر و الراجل قالى كل الحساست تمام

أوك

هفترض ....إن كله تمام حاليا بالنسبه لعملية التحكم

وخللى حساس البوابه والأكسجين

معانا برضه ....كمتهمين فى القضيه

حتى لو الأسكانر مطلعهمش فى التشخيص

( يعنى سيبهم على جنب حاليا )

على مانعمل شوية حاجات تانيه

انا ثانى مالك للسياره منذ عامين و هى عامله 106 الف

طبعا مش هوصيك

على ضرورة الإلتزام بكل أمور الصيانه التانيه فى الكيللوات دى

زى

تغيير البوجيهات وكابلات البوجيهات

ومتابعة سير الكاتينه والشدادت وطلمبة الميه

ونظافة بوابة المكنه لتحسين آداء حساس البوابه

انما انا مشكلتى الفعليه اللى والله صرفت عليها اكثر من 1000 ج لحد دلوقت و هى اللى كرهتنى فى العربيه

معلش ....عود نفسك على طولة البال مع السيارات

وصاحبها بالأصول

علشان تاخد منها ...ومتغدرش بيك

كانت الفرامل وحشه جدا رحت للزرانى فى الاسكندريه قالى مستر عمومى و غيرته و بعدين جابلى سيرفو و غيرت التيل الامامى مرتين و طنابير امامى استعمال و اديتهم مسحه هما و الطنابير الخلفيه و دلوقت الفرامل اصبحت بنسبه 70%

فرامل أى سياره

بتصمم حسب رؤية مصنع السياره

والعربيه معايا

والفرامل كويسه جدا

وإلى الآن مغيرتش تيل أمامى وأنا عامل 36 ألف كم

أعتقد .....سيتم التغيير معى للتيل ( وموجود فى الشنطه )

عند 40 ألف

بس لاحظت و انا رافع العربيه فى المحطه ان معظم العجل تقيل نصف قطر العجله و خفيف فى النصف الاخر و جالى احباط و سلمت امرى لله .

ولا إحباط ولا حاجه

فمن يسلم أمره لله

لايترك نفسه فريسه للشيطان

الذى يوسوس له ويحبطه

-----------------

وبالنسبه لتواجد خلل فى دوران العجل بصفه منتظمه

قد يكون سببه

للأسف

1- عيب من الطنابير

2- عيب فى البلى

وحاليا

بأرجح تواجد خلل فى الطنابير

(أى لم يتم خراطتها بالشكل الجيد )

وهو ده سبب عدم إحساسك بعدم جودة الفرامل ووصولها لحالة 70 %

بعد أن صرفت عليها 1000 ج

-------------------

طبعا نصيحتى لك الأولى

تروح لميكانيكى ( إبن حلال )

يكشفلك على الفرامل والطنابير

علشان نطمن أولا على إنتظام دوران العجل على دايرةالعجل

---------------

ومتابع معاك

خطوه بخطوه