بيقولي ما الحتة واسعة ماعديش منها ليه ..... طب ارد عليه اقوله ليه

[khaled_1993m]

دلوقتي الحمد لله مفهوم السواقة في مصر اني اي حد يلاقي اي مكان ياخد العربية يخش فيه و خلاص
كنت جاي علي طريق طنطا الفردي فانا متعود طبعا مش بعدي غير من الشمال حتي لو اللي قدامي حادف شمال شوية و يمينه فاضي بردو مش برضي اعدي من اليمين لاني بقول افرض الراجل ده اتزنق و لا حاجة اكيد حيحدف يمين من غير ما يفكر المهم يعني
طبعا كل اللي علي الطريق بيعملوا كده لاني ده الطبيعي الا بتوع الميكروباسات دايما الاقيهم بيعدوا من يميني و كل شوية اتفاجا بكلاكس جمبي و واحد معدي من اليمين انا بصراحة الحكاية دي بتعصبني لحد ما في مرة قومت كاسر علي واحد فيهم انا كنت قاصد طبعا و لما نزل قلتله ماشفتكش و بعدين المفروض انت متعديش من هنا اصلا
قالي يا بيه هي مش واسعة يعني و تخدني اهو انت كده يا بتوع الملاكي انما انا راجل عايز الحق اروح الموقف عشان احمل تاني
طبعا انا قولت هافهمه ازاي ده قولتله معلش حق عليا انا غبي معلش استحمل الاغبياء اللي زيي علي الطريق و كل اللي واقفين قاعدين يضحكوا طبعا هههههههه
المهم بقي انا عايز اعرف رايكوا في الموضوع ده
و اسف علي الاطالة

[Muhammad A]

بص انت في مصر فلازم تعرف حاجه مهمه جدااا
وهي (نحن نختلف عن الاخرين ) خالص

[khaled_1993m]

تحيا مصر

[ahmed el gendy]

طب ده ميكروباص اخرك هتخيش فيه لا قدر الله طب تعمل ايه بقي ف الموتوسكلات اللي بتعدي ع اليمين وعمال يكلكس لك انا مره واحد بموتوسيكل عاوز يعدي من يميني وانا زي ما تقول كنت ماشي بافادي بيارات كتير ف الطريق وكل شويه احدف يمين سنه والبيه عاوز يعدي وعمال يدي كلاكس ليا وانا ابص ف المراايا الوسطي والمرايا الشمال ما الاقيش حد انفض لحد ما لمحت حاجه بالعافيه ف المرايا اليمين وكان ف المنطقه العمياء لاني وطيت راسي لحد ما شفته ف المرايا بالعافيه

مصر تختلف عن الاخرين

[3bd0]

انا معاك قلبا وقالبا في الموضوع ده
المفروض ان مفيش حد يتجاوز حد من يمينه،
بس مش 100% من الغلط على اللي بيجري، في نقطتين عاوز اوضحهم هنا:

الأولى هي ان التخطيط بتاع الشوارع (لو كان موجود اصلا) وحش، وحش اوي كمان. الحارة بتاعتك بتلاقيها بتكبر وتصغر وممكن تزنق اللي في الحارة اللي جنبك وانتا مش داري. غير بقى طبعا ان البلاعات بتاعتنا في وسط الطريق (المفروض على اطراف الطريق) فساعات الناس تضطر تفاديها فجأة فتلبس في حد عاوز يتجاوز.

النقطة التانية هي ان بعض الناس بتجيرك انك تتجاوزهم من اليمين. تلاقيه يمسك الحارة الشمال في الطريق السريع وماشي 80 وسايب الناس تتفلق وراه. ولما تيجي تكلمو يقولك منا ماشي على جنب وسايبلكو الشارع كلو!. ده غير طبعا بتوع النقل التقيل اللي بيمسكو الشمال عشان "سالك".
فمثلا سواق الميكروباص ده اللي بيتجاوز الناس من يمينهم، لو هوا ضامن انو لو مسك الشمال وقلب نور للناس الناس هتوسعلو على طول مكنش ساب الشمال نهائي.
الموضوع ده السعودية متفوقة فيه بشكل غير طبيعي، الناس اول ما تشوف حد جي بسرعة من ورا، من قبل ما يقلب نور حتى، بتلاقيهم كلهم بلا استثناء سابولو الحارة الشمال لحد ما يعدي.