شارك معنا لتعرف الموتور الاستيراد أفضل أو العمره

[طارق ابوذيد]

أحبائى فى الله متى اقوم بشراء موتور استيراد بدل ان اقوم بعمل عمره ؟
احبائى الاعزاء سنأخذ موتور السياره 128 كمثال للتحدث عنه .
فعندما تذهب الى الميكانيكى ويقرر ان موتور سيارت يحتاج الى عمره كامله فهذا سيكلفك 1500 جنيه على الاقل ووقفه بجوار الميكانيكى اسبوع على الاقل وتلين للسياره يومان .
ففى هذه الحاله افضل شراء النصف الاسفل للموتور الاستيراد وليس الموتور بالكامل وهو لا يتعدى 600 جنيه ولا يأخذ أكثر من يوم واحد من وقفه السياره .
وذلك فى حاله ان كل قطع غيار موتور السياره تعمل بكفائه عاليه .
أما فى حاله ان موتور سيارتك لا يحتاج سوى طقم شمبر فقط ففى هذه الحاله لا انصح بشراء موتور استيراد لان التكلفه لا تتعدى 500 جنيه ولن اغير ورق الموتور .
وممكن ايضا شراء النصف الاسفل من الموتور ذائد وش السلندر والهد العلوى للموتور وهذا يسمى شورت بلوك وهو ايضا اوفر بكثير من شراء موتور كامل فعلى سبيل الميثال سيكون سعره فى السياره 128 1000 جنيه وبذلك تكون وفرت من العمره من المال والوقت .
واما الان فأرجو من لديه تجارب فيما ذكرت ان يشاركنا بخبرته لنعرف ما حدث معه ليستفيد جميع الاعضاء .

[الايطالى الصغير]

راى حضرتك ممتاز يا شيخ طارق بس لى بعض الاسئلة عندك
سالت واحد ميكانيكى على العمره قالى هتخش فى 2000جنيه غير فلوس مصنيعة الميكانيكى
يعنى حوالى 2500 جنيه
وسالت على الاستيراد قالوا وايه ضمنك يطلع تمام انما موتورك لما تعمله عمره انت ضامنه بنفسك وقدام عينك انه هيتولد من جديد
فانت ايه رأيك ؟ هل ممكن الموتور الاستيراد يكون بحالة كويسة فعلا وممتازة ويعيش معانا
وهل مواتير الرسائل اللى جايه من بره لعربيات تمام ولا زى عندنا هلكانه
واخرسؤال معلش تقلت عليك
مصنعية الميكانيكى كام فى العمرة كاملة
وكام لو فى طقم الشنبر بس
وكام لو هعمل زى ما انت قلت نصف الموتور السفلى بس
وكام لو شورت بلوك

وشاكر ليك يا شيخ طارق والله انت ليك مكانه كبيرة عندنا فى المنتدى هنا وكفاية انك بتعرفنا حاجات من الصعب اننا نوصلها وتقبل شكرى

[طارق ابوذيد]

المشاركة الأصلية كتبت بواسطة الايطالى الصغير راى حضرتك ممتاز يا شيخ طارق بس لى بعض الاسئلة عندك سالت واحد ميكانيكى على العمره قالى هتخش فى 2000جنيه غير فلوس مصنيعة الميكانيكى يعنى حوالى 2500 جنيه وسالت على الاستيراد قالوا وايه ضمنك يطلع تمام انما موتورك لما تعمله عمره انت ضامنه بنفسك وقدام عينك انه هيتولد من جديد فانت ايه رأيك ؟ هل ممكن الموتور الاستيراد يكون بحالة كويسة فعلا وممتازة ويعيش معانا وهل مواتير الرسائل اللى جايه من بره لعربيات تمام ولا زى عندنا هلكانه واخرسؤال معلش تقلت عليك مصنعية الميكانيكى كام فى العمرة كاملة وكام لو فى طقم الشنبر بس وكام لو هعمل زى ما انت قلت نصف الموتور السفلى بس وكام لو شورت بلوك وشاكر ليك يا شيخ طارق والله انت ليك مكانه كبيرة عندنا فى المنتدى هنا وكفاية انك بتعرفنا حاجات من الصعب اننا نوصلها وتقبل شكرى

أخى العزيز اشكرك على هذه الثقه وادعو الله ان اكون دائما عند حسن ظن الجميع .
أما بخصوص سؤال حضرتك عن عمل عمره اضمن من الموتور فهذا ليس صحيح ولكن يمكنك ان تشترى شورت بلوك وتشترى طقم شمبر جديد لا يتعدى 130 وتركبه على الموتور الاستيراد حتى تضمن الموتور ويكفى انك لم تخرط الكرنك وتظل جميع مقاسات الموتور فبريكه كما هى .
وارجو من حضرتك ذكر نوع سيارتك

[abdo125]

انا عن نفسي عملت عمره كامله لعربيتي الموتور رجع كائنه جديدبس بي امانه ما استحملش معايه وحسيت انه خف في الشمايز
وعندي عربيه ولدي عاوزه عمره بفكره احسن انه يجيب موتور استيراد هايوفر معاه مال وي وقت ومجهود بس والدي رفض علشان ما يعيرش ورق الموتور

[samirayad]

شارك معنا لتعرف الموتور الاستيراد أفضل أو العمره

الحقيقه ياشيخ : طارق

أنت عرضت وجهة نظرك فى طريقة المفاضله بين الأستيراد والعمره

بطريقه تتسم بالأمانه والتحليل السليم

فهذا هو الصح علميا وعمليا

فبارك الله فيك

وأبقى أتوصى بينا برضه وخللى بالك من أعضاء مصر موتورز

فأى زميل فى مصر موتورز

له علينا حقوق كثيره