داخل على شراء فيرنا مستعملة من معرض و خايف يتضحك عليا

[egy4arb]

السلام عليكم

يا فيرناوية برجاء المساعدة

انا كلمت صاحب معرض صغير كدا شغال فى المستعمل و هوا فى منطقتى

المهم قالى عندى فيرنا 1500 هاف اوبشن برا و جوة ب 48

طبعا استغليت السعر شوية بس ممكن توصل ل 45 و طبعا بتاع المعرض لية 500 منى و من الراجل التانى

العربية ماشية تقريبا 90 الف و شوفتها حالتها ممتازة

و مش عارف اخدها لانى ضامن الراجل باذن الله و العربية كويسة لانى خايف من نصابين السوق و النت و شغل التوكيلات دى ولا استنى اشوف 1600 كاملة بنفس السعر

المــــــــــهـــــــم بقى

بيقولو فى عربية اسمها فيفا دى بتبقى 1500 و مش حابب اقع فيها

ف انا مش عارف هيا دى الى انا شوفتها ولا لا

و هل فى فيرنا 1500 ولا اكيد هتبقى هيا الفيفا الهندى ؟؟

و معلشى كننت عايز اعرف ثمن عقد التسجيل و تجديد المرور بكام

وهل ال1500 دى بتبقى باااااور كامل ولا هاف باااور و انجيكشن ولا كربيراتير

و انا شوفت التكييف تمام جدا

و معلشى بسال عن الكشف فى التوكيل سعرة كام تقريبا و هل يفرق كتير عن بنزينة او مركز خدمة ؟

و ياريت لو تعرفو افضل مركز خدمة معتمد مكانو فين يكون قريب من مدينة نصر بس


اسف جدااااا لاطالة - اخوكم الصغير بقى و لسى هبقى فيرناوى جديد


ياريت تساعدونى بالله عليكم

[tamer.koko]

اولا في فيرنا الشكل العادي بتاعنا 1500 سي سي هاف وفي كامل كمان ده
ثانيا بالنسبه للباور كل الفيرنا سوا فيفا او عادي او ستار 1500 او 1600 كلهم باور كامل مش هاف
ثالثا بالنسبه للتسجيل حضرتك مقولتش موديل كام بس عامه في حدود 900 جنيه
رابعا في فرق جامدجدا وملحوظ في الشكل بين الفيرنا والفيرنا الفيفا
خامسا الفيرنا دلوقتي عليها تخفيض من غبور4000 جنيه

[egy4arb]

تمام متشكر اوى لحضرتك

بس التخفيض للجديدة بقت 64 الف للفاضية

و المستعملة 45 الف

يعنى الفرق 20 الف مش شوية برضو

خصوصا ان العربية ماشاء الله جديدة و هيا موديل 2006

[rabet007]

بص يا باشا بارك الله فيك اولا العربية لازم تاخدها ترفعها في بنزينه وتشوف الدنيا فيها ايه من تحت شاسيه والمساعدين والحالة من اسفل وبعد كده حضرتك تعمل كبس ماتور وكبس وده اقولك انا فين عارف حضرتك فيه بنزينه اسمها شيل في شارع الهرم بعد خزان المياه علطول فيه كشف علي كل حاجة والحساسات والكلام من ده زي الفل والسعر غالي كتير موديل 2006 90,000 كيلو تمام هاف مش كاملة من 45 الي 46 ألف جنيه التسجيل في الشهر العقاري هيكلفك750 جنيه ان شاء الله اهم حاجة الكشف علي العربية بص طقم السرفيس ده ( فلتر البنزين - فلتر الهواء - البوجيهات - وتنظيف البوابه والحساسات ) ده امره سهل بالنسبة لاسطوانة الدربايج فيه اختبار ليها انك تشد فرامل اليد وتجيب الثالث وتطلع عليه لو بطلت العربية تبقي الاسطوانه ان شاء الله سليمة وزي الفل بالنسبة للفرامل امرها سهل ان شاء الله ومبروووك عليك بس ضبط السعر والنبي اخررررررررررررررررررررررر رررررررها 45 بالكتير اوي

[egy4arb]

تمام يا باشا متشكررررررر اوى لحضرتك بجد

بس بالنسبة للبنزينة انا فى مدينة نصر يعنى بعيد اوى الهرم

عندنا بنزية توتال فيها واحد مشهور اوى اسمو الشيخ باذن الله عندة كل حاجة

بالنسبة للسعر باذن الله هحاول اخليها 45 الف نهائى لان لسى للمعرض 500

بس ياريت حد يجاوبنى على باقى الاسئلة

شكرااا لاهتمامكم يا فيرناوية