اعمل اية ؟؟ محدش عارفق يشخص العطل فية .

[emeryaly]

انا لسة شاري عربية مستعملة فيات اونو موديل 2000 و بعد اجراء السرفيس عليها من زيت وسيور و خلافة .تلاحظ الاتي :
سرعة دوران المحرك غير ثابتة برغم من ثبات دواسة البنزين سواء في وضع الثبات او في السرعات المنخفضة او العالية ( حركة المحركة شوية مظبوطة وبعدين الموتور يهمد وبعدين يرجع يمشي مضبوط وكذلك ) و الوضع دة يحصل باستمرار سواء ماشي او واقف وسواء العربية سخنة او باردة مع العلم ان الميكانيكي نظف دورة البنزين من او طلمبة البنزين و برده لسة المشكله ذي ماهية .
الوحش في الموضوع اني لسة ملحقتش استعملها يعني قعدت عند الميكانيكي اكثر ماقعدت في العربية و دي اول عربية لية .
حد يقلي اعمل اية ؟؟؟

[.EhAb]

عدم ثبات الRPM غالبا بيكون عيب فى نسب خلط البنزين مع الهواء يعنى ممكن يكون تنضيف كاربوراتير او الحقن عايز تنضيف و اكيد اساتذة المنتدى هايفيدوك اكتر منى.

[amr elsisi 1]

هل غيرت بوجيهات
هل غيرت فلتر بنزين وهواء
عربيتك كربرتير ولا انجكشن
هل عربيتك في ملف اسبراتير
ياريت توضح اكثر واية الي انت غيرتو بالظبط:w6w200504112236376 d
وان شاء الله تكون عربية سعيد عليك وعلي اسرتك

[akerima]

قبل اي حاجة يا ريت تراجع علي حساس الايديل لان دا السبب الرئيسي فس برجلة الماتور علي السلانسية وبعدين تغير الفلاتر والبوجيهات وخصوصا فلتر الهوا

[ahmed naeem]

هل الوضع ده كان موجود الاول ولا بعد ماغيرت السيور
لو بعد ما غيرت السيور وكان منهم سير الكاتينة
فده غالبا عيب التقسيمة بتاعت الكاتينه الميكانيكي معرفش يظبطها
راجع ميكانيكي تاني يكون كويس