مشكلة حصلتلي الصبح وعاوز حل

[أيمن الروبي]

انهاردة جيت ادور العربية مرديتش تدور فيات 132 1600 سي سي بقيت ادور واشوف سلك البوجيهات ولا سلك وصله كهربه يعني بقربه من جسم العربية مفيش اي كهربة طلعة منو يبقي كده في ايه ؟

[تامر1970]

المشاركة الأصلية كتبت بواسطة aimooo انهاردة جيت ادور العربية مرديتش تدور فيات 132 1600 سي سي بقيت ادور واشوف سلك البوجيهات ولا سلك وصله كهربه يعني بقربه من جسم العربية مفيش اي كهربة طلعة منو يبقي كده في ايه ؟

هل مافيش كهربا خالص فى العربيه ولا الكهربا مش واصله لسلك البوجيهات فقط

[AbOnOrA]

طيب هى مش بتدور ازاى بالظبط يعنى مفيش حس خالص ولا بتسمع تكتكة المارش بس مش بتدور

عموماً لو قاطعة كهرباء خالص غالباً يبقى مشكلة فى البطارية او فى الوصلة العمومى وممكن تكون فيه مشكلة فى الدينامو مخليتش البطارية تشحن

المفروض تحاول تقومها ببطارية تانية لو قامت يبقى عيب بطارية او دينامو وتشحن بطاريتك وتجرب تانى
ولو مقامتش يبقى فيه شورت او حاجة عاملة فاصلة

[samirayad]

ممكن يكون عيب بوبينا

او مشط الإسبراتير ( لو كان الإسبراتير عندك إلكترونى )

أو الأبلاتين لادع (لو كان الإسبراتير عندك عادى )






0

[Hisham.Elgazzar]

طالما مفيش كهرباء واصلة للبوجيهات يبقى الأبلاتين مقفول
فك غطا الإسبراتير وشوف الفحمة اللى فى النص لو سليمة .......
خلى حد يدور العربية والإسبراتير مفتوح ، المفروض انك تلاقى الأبلاتين بيفتح ويقفل
إتأكد من الطرفين بتوعه بيسلموا على بعض |-|-| ولو كل ده سليم ... قفل غطا الإسبراتير ودور تانى
ولو ملقتطش راجع وصلات الموبينة وربنا يوفقك بإذن الله