سؤال بخصوص جنوط RB ال 14 الخاص بأول فئة ( مانيوال)

[bassem_fencer]

السلام عليكم و رحمة اللة و بركاتة
عندى سؤال مهم لأعضاء مصر موتورز بخصوص جنوط ال RB
انا عايز أشترى ال RB ان شاء اللة بس مانيوال عشان مش بسوق أوتوماتيك ...بس فية مشكلة و هى ان فئة المانيوال و كما قرأت الجنوط بتعها 14 و دة بيبقى وحش فى الثبات و السرعة فهل ممكن أنى أبدل الجنوط دة بالجنوط سبورت من غبور أو المعرض الى هشترى منة العربية أياً كان مع دفع الفارق ولا لازم أخد العربية زى ما هى ثم أقوم ببيع الجنوط و شراء أخر

مستى الرد القاطع فى الموضوع دة لأن فعلا جنوط 14 دة أكنى راكب بسكلتة
و غبور لو علية هينزلها بجنوط 12 كمان
..........
صحيح معلش هطول عليكم
بالنسبة للزجاج الملون
أزاى أحطة على الرخصة مع العلم ان طبعا فئة المانيوال غبور كالعادة شايل منها كل حاجة فأكيد مفيهاش زجاج ملون
دة لو طال يشيل الفرامل و الدركسيون هيشلهم :S
......
أسف للأطالة و منتظر الرد

[honda RB]

بص ياباشا بالنسبة للعربيه فالجنوط اللى نازله بيها معقوله ال 14 ومع العفشه هتبقى مريحه برضه / بس خالى بالك انك لو كبرت الجنط العفشه هتنشف معاك طبعا هيبقى فى ثبات زى ما بتقول بس برضه الجنط ال 14 بيدى ثبات معقول ولحد 160ك وممكن اكتر كمان ودى حاجه ترجعلك فى الأول وفى الأخر

بالنسبة بقى لجنوط ال RB الوكيل هما نوعين جنط 14 وجنط 16 وهو بجد شكله تحفه وبيبقى فى استيكر على باب السواق مكتوب عليه رقم الكاوتش كام على كام بالنسبة بقى لموضوع المعرض الله اعلم وبالتوفيق ان شا الله

[bassem_fencer]

المشاركة الأصلية كتبت بواسطة honda RB بص ياباشا بالنسبة للعربيه فالجنوط اللى نازله بيها معقوله ال 14 ومع العفشه هتبقى مريحه برضه / بس خالى بالك انك لو كبرت الجنط العفشه هتنشف معاك طبعا هيبقى فى ثبات زى ما بتقول بس برضه الجنط ال 14 بيدى ثبات معقول ولحد 160ك وممكن اكتر كمان ودى حاجه ترجعلك فى الأول وفى الأخر بالنسبة بقى لجنوط ال RB الوكيل هما نوعين جنط 14 وجنط 16 وهو بجد شكله تحفه وبيبقى فى استيكر على باب السواق مكتوب عليه رقم الكاوتش كام على كام بالنسبة بقى لموضوع المعرض الله اعلم وبالتوفيق ان شا الله

أشكرك أخى على التوضيح
و فى أنتظار توضيح من أحد مسؤلى المبيعات حول موضوع التوكيل أو المعرض

[M.TONSY]

هى مبتنزلش جنوط غير الهاى لاين وغبور ملهوش علاقة بالجنوط لانها بتيجى زى ماهى بجنوطها من كوريا

[MOHAMED SEIAG]

السلام عليكم أستاذ : باسم
أنا من أشد معجبى السيارة دى وان شاء الله ناوى أشتريها اول السنى اللى جاية . أنا اللى أعرفه وقرأته ان الجنط ال 14 مناسب جدا للعربية من ناحية الحجم والثبات مع قوة الموتور لأن كل مايزيد مقاس الجنط فعلا العفشة بتكون ناشفة جدا وده هيأثر على حاجات كتير ودى نفس المشكلة اللى فى السيراتو جنط 17 كل اللى معاه بيشتكى منها . فأنا أنصحك إنك تخلى الجنط زى ماهوا