مشكلتى أبعاد العربيه والحك والخوف من الشوارع الضيقه

[ticooo]

السلام عليكم ورحمة الله عليكم

انا يا جماعه جديد فى السواقه بقالى حوالى سنه بس مش بسوق باستمرار يعنى مره كل اسبوعين وساعات العربيه تقعد شهر واقفه ومشكلتى مش عارف احفظ ابعاد العربيه يعنى مثلا ساعات كتير اكون بركن او واقف فى اشاره واحسن انى خلاص هخبط فى العربيه اللى قدامى و لو نزلت من العربيه بلاقى فى مسافه بتاع نص متر بينى وبين العربيه الللى قدامى برده لما اكون داخل شارع جانبى و ضيق والمصيبه لو العربيات راكنه صفين ببقى مرعوب وخايف احك فى اى عربيه جانبى
واكتر حاجه مش بجيدها والمصيبه لو مثلا انا فى شارع رئيسى وهدخل شارع جانبى و العربيات ركنه على الصفين فى الشااع ومن اوله عالناصيه قبل كده حكيت فى عربيه بسبب الموضوع ده
علما بأنى بمشى فى الشوارع الرئيسيه و و الواسعه براحتى جدا
ملحوظه : انا أول ما اتعلمت السواقه كنت بمشى فى الشوارع الضيقه من غير اى خوف ولا قلق ومكنتش بحك " ممكن عشان كنت ببقى مركز زياده " لكن مره كنت ماشى فى شارع مش عارفه واول مره امشى فيه ومره واحده حكيت بالمرايه فى عربيه نقل راكنه و مرايتى اتكسرت ومره تانيه حكيت فى ميكروباص فى شارع اتجاهين بدون جزيره وهوا كان فى الاتجاه المعاكس بس هوا كان حادف فى الحاره بتاعتى
ومن بعد الواقعتين دول وانا فقدت الثقه فى نفسى وبقيت اتجنب ادخل اى شارع ضيق خوفا من الحك
وانا عارف انا مش ده الحل لان ساعات بيبقى مشوار ياخد عشر دقايق باخده فى نص ساعه عشان ممشيش فى شوارع ضيقه وده مش حل
انا كنت عايز اعرف من الناس الخبره فى السواقه اعمل ايه عشان احفظ ابعاد عربيتى كويس و ادخل بيها فى اضيق حته واعدى من خرم ابره من غير ما احك
أرجوكوا انا فى اشد الحاجه لنصايحكم تقريبا هيا دى مشكلتى الوحيده فى السواقه

[abu eldhab]

هى مالهاش حل يا معلم غير انك تمارس كتير السواقه ماهى الا ممارسه وبعدين لو ركنت ورا حد مثلا مش لازم تنزل من العربيه عشان تشوف انت بعيد عنه ولا لا انت بس شب شويه وانت قاعد مكانك هتشوف وبالطريقه دى بعد كده هتعرف انت بعيد ولا لا وهتقدر من غير ماتشب تعرف المسافه اللى بينك وبين العربيه اللىقدامك .. تانى حاجه ادخل شوارع ضيقه وامشى براحه جدا عشان لا قدر الله لو حصل حاجه مايبقاش فيه خسائر وبعدين لو انت فى شارع رئيسى وعايز تدخل شارع جانبى العربيات راكنه فيه ف الصفين ابقى خده على واسع عشان تدخل مظبوط من غير ماتخبط فى اى منهم ... بس ده كل اللى ممكن اقدمهولك

[ticooo]

المشاركة الأصلية كتبت بواسطة abu eldhab هى مالهاش حل يا معلم غير انك تمارس كتير السواقه ماهى الا ممارسه وبعدين لو ركنت ورا حد مثلا مش لازم تنزل من العربيه عشان تشوف انت بعيد عنه ولا لا انت بس شب شويه وانت قاعد مكانك هتشوف وبالطريقه دى بعد كده هتعرف انت بعيد ولا لا وهتقدر من غير ماتشب تعرف المسافه اللى بينك وبين العربيه اللىقدامك .. تانى حاجه ادخل شوارع ضيقه وامشى براحه جدا عشان لا قدر الله لو حصل حاجه مايبقاش فيه خسائر وبعدين لو انت فى شارع رئيسى وعايز تدخل شارع جانبى العربيات راكنه فيه ف الصفين ابقى خده على واسع عشان تدخل مظبوط من غير ماتخبط فى اى منهم ... بس ده كل اللى ممكن اقدمهولك

ألف شكر يابو دهب على النصايح دى

[osamawasel.alex]

كل سنه وحضرتك طيب
قيادة السيارة ممارسه - على فكرة انا برضه متعلم القيادة من سنه وكام شهر يعنى تقريبا نفس الفترة
بس الفرق انى علطول راكب العربيه ودة الفرق ( الممارسه ) - كتر ركوبك للعربيه بيخليك تحفظ ابعادها والشئ الاهم هوة الثقه فى النفس - انا فى الاول كنت كدة بس عملت شئ ممكن انت كمان تعمله - انا اخدت العربيه حوالى مرتين او تلاته فى مكان فاضى وكنت جايب حوالى 8 قطه حجارة وحاططهم على الارض تقريبا اكبر من عرض العربيه بحوالى 20 سم يمين و 20 سم شمال وكنت فى الاول بروح بوشى بس وبعد كام مرة بقيت كمان بحاول ارجعها بضهرى - ان شاء الله لو حاولت تعمل كدة الموضوع هيظبط معاك - وبرضه لازم تركب عربيتك كتير وتمشى بيها علشان تضيع الرهبه الموجودة عندك - والله اعلى واعلم

[ticooo]

المشاركة الأصلية كتبت بواسطة osamawasel.alex كل سنه وحضرتك طيب قيادة السيارة ممارسه - على فكرة انا برضه متعلم القيادة من سنه وكام شهر يعنى تقريبا نفس الفترة بس الفرق انى علطول راكب العربيه ودة الفرق ( الممارسه ) - كتر ركوبك للعربيه بيخليك تحفظ ابعادها والشئ الاهم هوة الثقه فى النفس - انا فى الاول كنت كدة بس عملت شئ ممكن انت كمان تعمله - انا اخدت العربيه حوالى مرتين او تلاته فى مكان فاضى وكنت جايب حوالى 8 قطه حجارة وحاططهم على الارض تقريبا اكبر من عرض العربيه بحوالى 20 سم يمين و 20 سم شمال وكنت فى الاول بروح بوشى بس وبعد كام مرة بقيت كمان بحاول ارجعها بضهرى - ان شاء الله لو حاولت تعمل كدة الموضوع هيظبط معاك - وبرضه لازم تركب عربيتك كتير وتمشى بيها علشان تضيع الرهبه الموجودة عندك - والله اعلى واعلم

شكرا يا استاذ اسامه على الرد والنصيحه بس حكايه الطوب دى مش بتنفع معايا خالص انا بشوف الطوبه من بعيد بمجرد ما بقرب من الطوبه مش بشوفها خالص ومش ببقى عارف هيا فى انهى منطقه تحت العربيه انا محتاجلى اربع صناديق زباله زى بتوع اونكس بس هوا حد لاقى صندوق زباله دلوقتى ههههه