|
#1
30-10-2011, 12:59 PM
|
||||
|
||||
الخوف من السواقه
السلام عليكم //كل عام وانت بالف خير انا ايا اخوانى عندى مشكله تؤرقنى جدا لما باجى انزل امشى بالعربيه الا وهى انى بخاف امشى لوحدى لازم يكون حد بيعرف يسوق اعد جانبى مع انى الحمد لله بسوق بس على قدى من فترة بسيطه ولما باخرج بالعربيه مسافه صغيره بحس انى بقيت شيخ السواقين بخاف انى امشى اخبط حد ماشى جبنى هو مالوش ذنب انى انا على قدى فى السواقه حاطط على العربيه ورقه عفوا السائق فى التعليم فى ناس محترمه كتيييير بتقدر انك لسه بتتعلم وبيشجعك وانت ماشى ويقولك (( عاش يا بطل هى السواقه الصح ربنا معاك)) وفى ناس تانيه ولاد تيييت اول ما يعرف انا مش اد كده فى السواقه يحدف عليك يرخم عليك اسف على الاطاله بس الموضوع تاعبنى جدا والله لحد انا ما فكرت انى ابيع العربيه ارجو كم دلونى اعمل ايه اضيع الخوف الى جوايا ازااااااىعلما انى لما بخرج بالعربيه بحاول اخرج بيها بدرى اوى وارجع متاخر جدا فده مش حل ولا انا غلطان وكل عام وانتم بخير وتقبل الله منا ومنكم
|
|
#2
30-10-2011, 01:49 PM
|
||||
|
||||
|
رد: الخوف من السواقه
اولا ودة راى الشخصى لازم تشيل الورقه اللى حضرتك كاتبها دى
ثانيا بلاش انك تخرج بدرى او متاخر اوى لان كدة مش هتاخد حساسية العربيات اللى جنبك الموضوع سهل جدا يا استاذ "هريدى" محتاج ممارسة فقط لمدة اسبوع لكن اكتر حاجة تخاف عليها هى الناس اللى ماشية فى الشارع تحاول تملى تمشى فى خطوط مستقيمة وتلتزم بالحارات المرورية اى تصرف مفاجىء مش مستحب اوى حس تملى برد فعل العربيات اللى حوليك سوق ليك ولغيرك يعنى توقع اللى ادامك هايعمل اية فى موقف معين وبالتالى تاخد حذرك او رد فعل مناسب لة نفسي بجد اتكلم معاك اكتر لكن الشغل ضاغط عندى شوية اخير دعاء ركوب الداية
__________________
يااااااااااااا رب إرحمنا بقدرتك علينا 
|
|
#3
30-10-2011, 03:01 PM
|
||||
|
||||
|
رد: الخوف من السواقه
كل اللي حضرتك بتقول عليه دا حدث مع الكثيرين منا .. خاصة في تعلم القيادة في سن متقدمة نوعا ما .. و دا تماما ما كان يحدث معي .. لدرجة انني قبل النزول من منزلي اعتقد انني لن استطيع القيادة .. و لكن بمجرد ركوبي السيارة .. يصبح كل شيئ تمام .. و مفيش أية مشكلة .. المهم لازم تقود سيارتك في كل الأوقات حتى ساعات الذروة و تتحمل كل الضغوط .. بعد فترة قصيرة لا تتعدى شهر .. فسوف تنسى كل مشاكلك مع القيادة و تصبح الأمور طبيعية جدا .. لا تقلق .. المهم و الأهم .. هي المحافظة على ارواح الأفراد من السائرين بالطرق و اثناء عبورهم الطريق .. أما الخبطات اللي في الصاج و الرفارف و الأكصدامات .. مقدور عليها .. و إنشا الله تقولنا أيه الأخبار ..
تحياتي
__________________
 هكذا أنت يا إمرأة .. بين جنبات النفس و الروح و بين العقل و القلب .. أتدركين لماذا ؟ ......!!!!
|
|
#4
30-10-2011, 04:15 PM
|
||||
|
||||
|
رد: الخوف من السواقه
رأيى من رأى الأساتذة اللى كتبو قبلى بارك الله فيهم ..
اول حاجة تشيل الورقة دى لان الغالبية العظمى هاتستصغرك فى الأمر ده وهايستهينو بك ويخنقوك , لو حصل تاتش مع حد ممكن ساعتها تقوله انك جديد فىالسواقة ده على اقل تقدير انما تحط ورقة فدى صعبة شوية .. ثانيا تنزل فعلا فى وقت الذروة عشان تتعود على الضغط , وكثرة ممارستك للسواقة وبالذات فى الاماكن الصعبة ليها فائدتان وهما ان شعور الخوف هايروح تدريجيا وايضا هاتكون السواقة سهلة جدا بالنسبة لك فى الاماكن الاقل ازدحاما .. والله انا لو مكان حضرتك هاخد العربية وانزل اسوق بيها فى كل حتة من غير ما اكون رايحة مشوار معين , بس هاقعد اسوق وخلاص لحد ما السواقة تبقى زى الملبن بالنسبة لى ومن غير خوف .. انا مثلا بخاف من العربيات النقل والاوتوبيسات الكبيرة لو جيت جنبها , باحس انى تحتها وباحس ان السواق مش شايفنى ومع ذلك ده لم يقلل من عزيمتى على ممارسة السواقة لحد ما اوصل الى مستوى الرجال المتمرسين فيها اهم حاجة لازم تعرفها ان مافيش حد هايركب معاك , وانك لازم تتحمل مسؤولية السواقة لوحدك , وانسى خالص فكرة بيع العربية .. الهروب من الشئ مش حل , افضل حاجة المواجهة , والخوف ده هايروح مع الممارسة ومع الوقت .. وتحياتى لحضرتك
|
|
#5
30-10-2011, 05:43 PM
|
||||
|
||||
|
رد: الخوف من السواقه
هى دى فائده ال 128 بتعلمك الجرأه ومش بتخليك تخاف من حد ولا تخاف عليها والناس كلها تخاف منك**** بصراحه لولا ال 128 فى اول تعلمى للسواقه ما كنتش اتعلمت***ربنا معاك وعلى فكره مجرد اسبوعين او شهر على الاكثر هتلاقى السواقه حاجه تلقائيه كانك ماشى على رجلك وربنا معاك ويحميك***تقبل تحياتى استاذ هريدى
|
 |
| أدوات الموضوع | |
|
|
