استفسار بسيط بخصوص دراع الاشارات ال 128 نوفا

[modemode55]

انا اشتريت عربيه 128 موديل 97 من حوالي 3 شهور كده و لما جبتها الدركسيون كان في حته مقطوعه بس انا عملت فيها بورم و غيرته ب دركسيون سبور و و طبعا ركبت زور الاول ....المهم لقيت الدركسيون تقيل فخلعته و ركبت القديم تاني ....الشكله هنا بقي الدركسيون الاصلي قبل ما اخلعه و اركب الاسبور كان الاشارات بترد تاني لوحدها ...لما ركبت الاسبور الراجل قالي الاسبور مبيخليش دراع الاشاره يرد لوحده ....و لما رجعت ركبت الدركسيون القديم الدراع برده مبقاش يرد لوحده زي الاول...ارجو الحل .
و انا اسف جدا علي الاطاله و الرغي اللي رغيته ده بس عايز اجيب الموضوع علي بلاطه

[modemode55]

-----------------------UP-------------------

[AMMI]

بص يا باشا روح لا ى كهربائى وقوله الدراع مش بيرد لوحده هتلاقيه فيه سوسته فى زور عمود الدركسيون لازم يحركها لحد الدراع علشان ترد معاه ولا اعتقد ان السبب من الطاره الاسبور

[m.m.]

اللى ركبلك الدريكسيون الاصلى تانى ركبه غلط لان المفروض ان الدريكسيون بيكون فيه جزء بارز من تحت بيخش فى خرم فى دراع الاشارات وده المسؤل عن ان الاشارات ترد لوحدها تانى واللى ركبلك الدريكسيون مظبطش الاتنين دول قدام بعض وهو بيركبه .
فانت ممكن تروح لأى كهربائى وهو يظبطه

[modemode55]

المشاركة الأصلية كتبت بواسطة AMMI بص يا باشا روح لا ى كهربائى وقوله الدراع مش بيرد لوحده هتلاقيه فيه سوسته فى زور عمود الدركسيون لازم يحركها لحد الدراع علشان ترد معاه ولا اعتقد ان السبب من الطاره الاسبور

يا باشا انا اساسا ركبت الدركسيون القديم تاني الدركسيون الاسبور تقيل جدا