مصر قبل الثورة وبعد الثورة والحلول وافكار جديدة

[Saif eldien]

من مدة قولت ان من مصر موتورز فى ثورة اننا نبنى مصر وعيزين افكار كفاية اننا نتكل طول النهار ونقول فلان سرق وفلان نصاب وغيرة عيزين افكار بنائة
مش حاسس ان فى تغير قبل من بعد الثورة حاسس ان الامور هى هى تغير بسيط بس

قبل الثورة :
1. مفيش شغل والبلد فى حالة ركود والسيولة فى السوق ضعيفة
2. البورصة بتخسر ومفيش جديد
3. مخدرات فى البلد بكثرة والشباب تاية
4. اخبار الجرايد مصر تنسق من دولة كذا لزيادة التجارة والمشاريع دولة كذا تقدم الى مصر معونة مادية لمشروع كذا وافتاح مشاريع كذا والترتيب لمدينة صناعية كذا
5. اعلانات عن بناء 15 الف وحدة سكنية للشباب
6. زيارة فلان الى مصر لدعم التجارة ومعة رجال اعمال
7. حتى فى الفترة دة زيادة منسوب نهر النيل هو هو

بعد الثورة
1. مفيش شغل والبلد فى حالة ركود والسيولة فى السوق ضعيفة
. البورصة بتخسر ومفيش جديد
3. مخدرات فى البلد بكثرة والشباب تاية
4. اخبار الجرايد مصر تنسق من دولة كذا لزيادة التجارة والمشاريع دولة كذا تقدم الى مصر معونة مادية لمشروع كذا وافتاح مشاريع كذا والترتيب لمدينة صناعية كذا
5. اعلانات عن بناء 15 الف وحدة سكنية للشباب
6. زيارة فلان الى مصر لدعم التجارة ومعة رجال اعمال
7. حتى فى الفترة دة زيادة منسوب نهر النيل هو هو
8. مفيش اخبار عن زيارة الرئيس للبلد الفلانية ولا ان حرم الرئيس عملة مشروع كذا
9. زيادة الاحزاب وكانها الموضة الجديدة فى مصر كلة بيعمل حزب لدرجة انى شايف ان فى حزب جديد فى مصر كل ساعة
10. مادة اعلامية اخبار مصر فى الفضائيات وكان البزنس الجديد


طيب فى اى شى ايجابى حصل لا لية يقولك البلد والناس مش عيزة تشتغل طيب نعمل اية اقول راى
1. الفلوس ال جت لمصر من الخارج اعمل بيها مصانع وابداء فى تشغيل الشباب
2. ارفع الضرايب على منتجات لا تهم الناس وخفض الضرايب على منتجات اخرى زى السجاير والخمور والتبغ وغيرها ارفع الجمارك عليها وخفظ الجمارك عن الاغذية الرئيسية قمح ولبن وغيرة
3. ابداء وبسرعة فى تمويل مشاريع للشباب ال محتاج قرض ب 10 الف الى 25 الف قدمة لة ويكون عندة مشروع يبداء بية وابداء فى الاعلان عن اراضى للشباب مساحات صغيرة ياجرها شباب حتى لو 500 متر بشرط زراعة الارض دة واشترى منهم المحصول بتعهم وادفع ليهم نصف الثمن لمدة 10 سنوات الى ان يمتلكوها
4. اطلب من السفارات المصرية فى البلاد الاخرى سرعة عمل اعلان عن تقديم تسهيلات بجد للمستثمرين اعفائات ضريبية وعمل مناطق حرة زى دبى بشرط تشغيل 50 شاب لو راس مال الشركة اقل من 10 مليون دولار ولو اقل من 5 مليون دولار تشغيل 25 شاب مصرى
5. اعمل اعلان واطلب شركات مصرية تقوم بعملية النظافة ال الشركات الاجنبية كانت بتقوم بيها وبشرط تشغيل العمالة بالكامل مصرية والملاين ال بتخدها الشركات الاجنبية تخدها شباب مصرى
6. اعمل طلبات مش وزارة التجارة الى كل دول العالم تحدد المنتجات ال عيزها من مصر واعمل اعلان بيها علشان تخلى الشباب تنتج وبجد
7. اعمل ترخيص لمشروع زى التك تك للشباب ويكون معلوم ويرخص ويشتغل علية شباب بدل من انة مشروع غير شرعى وبردة شغال بس بيشتغل علية اطفال ومجرمين
8. افتكر واحد زى طلعت حرب عمل وبنى اقتصاد مصر ازاى اعمل مشروع وسمية بناء مصر كل 6 اشهر بتجمع تبرعات وتبنى بيها مصنع يشغل 150 او اكثر وغيرة
9. زود 5 جنية على مصاريف ترخيص السيارت وزد عدد الناس ال بتشتغل واستعين ب20 او 25 شاب يعملون وحتى لو مرتبتهم قليلة انت عارف هتسهل عمل الترخيص لاى عربية فى قد اية


اقول تانى ولا كدة كفاية
منتظر افكار بجد مش عيزين نقول فى سلبيات ومنقدمش الحل

[تامر ديزل]

كلام زي الفل بس موجه لمين ؟ للحكومه او لأولي الامر .... ماتتوقعش منهم انهم يعملوا حاجه
لو كانو عايزين يعملوا كانوا عملوا
ولكن عايزين نفكر في مبادرات شعبيه للانقاذ او حلول نتناقش فيها مش محتاجه الحكومه تنفذها انما ممكن تتنفذ عن طريق الافراد والافراد العاديين على وجه التحديد
يعني مثلا لو خدنا موضوع زي النضافه مش هنقول ياللا ننضف بجهود تطوعيه ولكن ممكن نقول دراسة جدوي لمشروع صغير لجمع القمامه ونشجع بعض على الافكار اللي زي دي
ممكن واحد زميل ظروفه مهيأه ويعجبه مشروع من دول يقوم بيه وبكده نكون قدمنا حلول عمليه للازمه مش بس موضوع النضافه لأ ممكن كمان نفكر في مبادرة تعليم خاص بعيد عن التعليم الحكومي وهكذا
ايه راي حضرتك مش كده احسن ما نقعد نقول المفروض الحكومه تعمل وهيا مش هاتعمل
اقولك على حاجه او سؤال ع الماشي : فيه غراب ابيض ؟ اهي الحكومه حالفه ميت يمين ما تصلحش ولا تغير الحال الا لما تلاقي الغراب الابيض
ربنا يعترهم فيه .... ااااامين

[nktis]

متابع....