افادى و لا افرمل

[karlbenz]

السلام عليكم
انا بقالى يومين مش بنام بسبب اللى حصل
انا ماشى على البحر ف اسكندريه على سرعه 70 بالكتير و فجأه لقيت قدامى جماعه بيعدو السكه و معاهم عيال صغيرين مسكينهم الحمد لله ان سرعتى كانت مناسبه انى اقف و مضرش حد ,, بس انا اللى اتضريت لان عربيه دخلت فيا من ورا بهدلتنى و كلفتنى 1500 جنيه بس فيا ناس بتقلى كان ممكن تفاديهم انا مش عارف ايه الصح ,,, القرار فى جزء من الثانيه لو اتنقلت للحاره اللى بعدها بسرعه كان ممكن حد يكون جى من ورا او انهم يكملو تعديه ف الطريق و الاقيهم قدامى و خبطهم لا قدر الله
ايه الصح فيدونى

[crime]

يا باشا انت اتصرفت صح
والحمد لله ان هى جت ف الفلوس ومجتش ف حد من العيال الصغيره ساعتها المشكله مكنتش هاتبقى فلوس
قول الحمد لله قضى اخف من قضى

[كيا سيفيا]

المشاركة الأصلية كتبت بواسطة karlbenz السلام عليكم انا بقالى يومين مش بنام بسبب اللى حصل انا ماشى على البحر ف اسكندريه على سرعه 70 بالكتير و فجأه لقيت قدامى جماعه بيعدو السكه و معاهم عيال صغيرين مسكينهم الحمد لله ان سرعتى كانت مناسبه انى اقف و مضرش حد ,, بس انا اللى اتضريت لان عربيه دخلت فيا من ورا بهدلتنى و كلفتنى 1500 جنيه بس فيا ناس بتقلى كان ممكن تفاديهم انا مش عارف ايه الصح ,,, القرار فى جزء من الثانيه لو اتنقلت للحاره اللى بعدها بسرعه كان ممكن حد يكون جى من ورا او انهم يكملو تعديه ف الطريق و الاقيهم قدامى و خبطهم لا قدر الله ايه الصح فيدونى

الاستاذ الفاضل / karlbenz
بعد التحيه .....

انت تصرفت تصرف سليم 100/100 وكان افضل الخيارات المطروحه امامك . فرضا ان هذا الطفل كان يمت لك بصلة قرابه ابنك مثلا او ابن اخيك او حتى ابن احد اصدقائك. ماذا سيكون احساسك لاقدر الله . قادر ربنا يعوضك عن تلفيات سيارتك ويبارك لك فيها ويكفيك شر الطريق .
وتقبل تحياتى

[AbOnOrA]

يا جماعة ما هو نفسة (السائق) روح وعندة عيال ممكن وليه ناس تزعل عليه وفى اوقات كتير بتبقى الفرملة غلط على السائق وتشكل خطورة كبيرة زى ما حصل كده عربيه دخلت فيه من ورا وكان ممكن لا قدر الله الحادثة تبقى اسواء واضرارها اكبر ده غير ان ممكن محاولة الفرامل نفسها متبقاش كافيه وممكن يفقد السيطرة على العربيه فتتقلب وده بيحصل كتير اوى واحد يطلع يجرى قدامك على الدائرى تيجى تفرمل جامد العربيه تلعب منك تتقلب انت تموت والبنى ادم المستهتر اللى كان بيعدى صاغ سليم مية مية ، فابنهى منطق نقول لازم يفرمل !!

الشاهد ان على الجانب الاخلاقى مش شرط انه يفرمل وعلى الجانب العملى الامر بيرجع لتقدير السائق اذا كان اسلم له يستخدم الفرامل او لاء

[walidmhafeez]

لو كنت شايف ان الطريق يسمح ان انت تفادي, فاديهم, لكن لو حسيت لن لنت لو هتفاديهم هترمي علي حد تاني فرمل احسن

وانا عن نفسي في اي حالة, حد بيعدي او اي عربية وقفت فجأة, بفرمل وممبحش ارمي علي اي جنب, علشان حتي لو خبطت, تبقي حارة واحدة من الطريق وقفت وعدد محدود من العربيات انضر, لكن لو رميت ممكن الطريق كله يقف لا قدر الله لان ممكن كل اللي جاي يخبط في بعضه, فانا بالنسبالي اخد الخبطة ولا اني ابقي سبب لحد تاني ان يعمل حادثة

وكان في حاجة تانية كان والديي علموهالي وانا صغير علشان اعدي الشارع, قالوللي زي ما انت بتخاف و ترتبك وانت بتعدي,اللي سايق كمان بيخاف و يرتبك لانه ممكن يخبطك, علشان كدة اوي تعدي الطريق جري ولو لقيت واحد ارتبك اقف مكانك متحاولش تتحرك كتير علشان متزودش ارتباكه وهو ان شاء الله هيتصرف صح لكن متعدش تطلع قدام ووراء لان دة هيخليه يرتبك, ولما تيجي تعدي الشارع عديه حارة حارة( يعني بين كل حارة والتانية ممكن اقف لغاية مالطريق يسمح) واوعي بقف في نص الحارة خليك دايما علي اولها او اخرها