فى مصر الشيروكى أفضل ولا ال bmw 316

[ahmedraafat00]

السلام عليكم
كل سنه وانتم طيبين وعيد سعيد عليكم
انا يا جماعه معايا جيب شيروكى 93 و على وشك ندخل بدل مع bmw 316 موديل التسعينات
بس حابب أعرف رأيكم و لو حضراتكم فى مكانى هل تحتفظوا بالشيروكى ولا تغيروها ب bmw
وحابب أعرف أيمها أفضل فى مصر بشكل عام : من حيث الشوارع و التوفير فى البنزبن و الصنايعيه اللى يفهموا فيها و ضريبه المرور وغيره
وسؤال فرعى : انا فى الشيروكىكان عندى رهبه شويه من السواقه وكنت بنزل بيها قليل وكنت بحس ان العربيه كبيره اوى خصوصا لما اكون داخل شارع جانبى او ماشى فى شارع ضيق
هل بقى ال bmw هتكون أسهل فى سواقتها ؟
أسف على الاطاله ومستنى رد حضراتكم

[hanzz]

اعتقد ان bmw هتكون اغلى فى قطع غيارها والصنيعه اللى بيفهموا فيها قليلين استهلاك البنزين ممكن يبقى قريب هو والضريبه بصراحه انصحك بعدم التغير الشيروكى فى مصر حلوة فى المطبات وهتنفعك اكتر من البى ام هدوخ شويه بيها الا لو دماغك فيها

[sherif fersh]

المقارنة غير صالحة ....
أيه اللى جاب القلعة جنب البحر ؟
الشيروكى للطرق الوعرة و الاوزان الكبيرة و اتزانها مش قوى
و بالتالى سرعات مش عالية
و كذلك استهلاك وقود مرتفع
البى أم 316 طبعا أسهل و أمتع فى السواقة
استهلاك بنزين أقل
الضريبة و الترخيص أقل
قطع الغيار أعتقد متقاربين
و كذلك واطية ( و ممكن معالجتها ) و لذلك ثبات أعلى وبالتالى سرعات أعلى
و أكثر أمانا
و لازم تكشف عليها كويس جدا
و الأختيار لك و طبقا لمتطلباتك
و الله الموفق ‘

[ahmedraafat00]

المشاركة الأصلية كتبت بواسطة hanzz اعتقد ان bmw هتكون اغلى فى قطع غيارها والصنيعه اللى بيفهموا فيها قليلين استهلاك البنزين ممكن يبقى قريب هو والضريبه بصراحه انصحك بعدم التغير الشيروكى فى مصر حلوة فى المطبات وهتنفعك اكتر من البى ام هدوخ شويه بيها الا لو دماغك فيها

شكرا على رد حضرتك واهتمامك
بس هوا من حيث قطع الغيار فالشيروكى مبهدلانا فى قطع غيارها برده
استهلاك البنزين اكيد هيكون اقل والضريبه هتكون اقل لانها 1600 سى سى الشيروكى كانت 2600
هيا المشكله بس فى المطبات ! الشيروكى كانت مريحانى فى الحته دى

[ahmedraafat00]

المشاركة الأصلية كتبت بواسطة sherif fersh المقارنة غير صالحة .... أيه اللى جاب القلعة جنب البحر ؟ الشيروكى للطرق الوعرة و الاوزان الكبيرة و اتزانها مش قوى و بالتالى سرعات مش عالية و كذلك استهلاك وقود مرتفع البى أم 316 طبعا أسهل و أمتع فى السواقة استهلاك بنزين أقل الضريبة و الترخيص أقل قطع الغيار أعتقد متقاربين و كذلك واطية ( و ممكن معالجتها ) و لذلك ثبات أعلى وبالتالى سرعات أعلى و أكثر أمانا و لازم تكشف عليها كويس جدا و الأختيار لك و طبقا لمتطلباتك و الله الموفق ‘

تمام شكرا يا استاذ شريف على ردك و اهتمامك
بس كنت عايز أعرف أيه نظام العفشه و المطبات مع البى أم ؟
وبرده بالنسبه لسواقتها وخاصه ابعادها سهله ؟
انا فى الشيروكى كنت بكون مرهوب شويه وانا راكبها ومش واخد على ابعادها وبتجنب الشوارع الضيقه " انا سنه اولى سواقه "
هل لما هنزل من الشيروكى للبى ام هحسن بالتغير للأسهل ولا الأصعب ؟