|
#1
27-08-2011, 10:00 PM
|
||||
|
||||
سمبوسك بالجبنه
في رمضان كنت بعمل طبق جانبي كده
الكل كان بيحبه الحمد لله و مهما كترت الكمية كان بيخلص لاخر قطعة كنت بعمل السمبوسك بالجبن الرومي و القشطة  اصل انا مش بحب اكله محشي لحم مفروم طبعا السمبوسك ليه حشوات كتيييير بس اللي جربتها ديه فعلا حازت علي اعجاب الجميع كنت بجيب سمبوسك فرجللو علشان مش لازق في بعضه و مافيهوش نسبة دهون كتير في برضه السنبلة مش بطال و الكرامة كويس برضه المهم ندخل بأه في المقادير يالا بأه بسم الله لفة سمبوسك (النوع المفضل بتاعكم) ربع كيلو جبن رومي مبشرور (اشتروه قطعة علي بعضها و بعدين ابشروه) علبة جبن مثلثات (نوع يكون طري زي لافاشكيري و لا حلايب) نصف علبة قشطة زي ديه  و نبشُر الجبنة الرومي ونحط عليه الجبن المثلثات و القشطة و نقلب مع بعض بشوكة حتي يصبح خليط طري كده ناعم من القشطة لو احتاجت قشطة تاني نزود في اضافة كمان لو تحبوا نحط قطع بسطرمة للي بيحبها بس طبعا ننظفها من الثوم اللي في الاطراف و شوحها في طاسة علي النار لحد ما تبقي مقرمشة و نضيفها للخليط بس كده و نحشي بيه السمبوسك بالطريقة المعتادة الحشوة ديه بتخلي الجبن الرومي تذوب و تمط معنا و احنا بناكلها طيب لو السمبوسك نوعه مش اوي و مش بيقفل نعمل ايه نعمل محلول من ملعقة دقيق علي ملعقة ماية حاجة كده اخف من العجين و نستخدمها كصمغ نقفل بيه و نحمر عادي بس في ملحوظة و احنا بنحمر طبعا اكيد بنحب السمبوسك يكون مقرمش كده و انت بتقلبي علي النار بالكبشة المخرمة الكبيرة قلبي و ارفعي السمبوسك من النار زي الراجل بتاع الطعمية كده علشان الهوا يدخل و يخليها مقرمشة ييييمي فكرتوني بطعمه ممكن اطلب السوبر ماركت اعملها دلؤتي يالا بالهنا و الشفا منقول 
|
|
#2
28-08-2011, 01:12 AM
|
|||
|
|||
رد: سمبوسك بالجبنه
يسلام عليك ياكبير انا بشتريها جاهزه بالجبنه من اسبينيس بس بتبقي جبنه قريش ومحطوط عليها حاجات جميلة اوي وطعمها بيبقا روعه
وبعدين انا مبحبش القشطه ولا الجبنه النيستو وممكن نخليها جبنه رومي صرف
|
|
#3
28-08-2011, 01:32 AM
|
||||
|
||||
|
رد: سمبوسك بالجبنه
و ماله يا كبير نخليها رومى
هههههههههههه
|
|
#4
28-08-2011, 05:11 AM
|
||||
|
||||
|
رد: سمبوسك بالجبنه
السلام عليكم و رحمة الله و بركاته
بسم الله ما شاء الله ايه يا مصرموتورز الجمال ده كلة بصراحة جزاكم الله كل خير انا جالسه فى انتظار صلاة الفجر قلت اشوف موضوع باب الطبخ على مصر موتورز و جدت مفاجاءات خطيرة و لم اكن اتوقع كل هذا بصراحة لم نحرم من اى شئ ( استشارات فنية- تعاون على فعل الخير و البر و التقوى - طبخ - حل لمشاكل السيارات و الكمبيوتر و خلافة و غيره و غيره ) واشكر كل من كتب اى صنف اكل هنا و كل من قام بالرد على اى استفسار لاى عضو زميل بصراحه جزاكم الله خيرا يا كل اعضاء مصر موتورز الكرام
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم
|
|
#5
28-08-2011, 11:07 AM
|
|||
|
|||
|
رد: سمبوسك بالجبنه
اشكرك يا بشمهندسه علي الكلام الجميل ده واحنا تحت امرك وتحت امر اي عضو في مشكله ليه او بيستفسر عن اي حاجه
|
 |
| أدوات الموضوع | |
|
|
