من فضلكم عايزة استفسار عن كورسا 98 1000 سي سي واسعار قطع الغيار

[dalia123]

سلام عليكم لو سمحت انا انشاء الله هجيب كورسا 1000 سي سي موديل 98 عايزه اعرف ايه رايكم فيها بصراحه هيا العربية اترفعت فى البنزينة والميكانيكى الى المتور 70 % والعربية سليمة جدا فبريكة من الداخل ومش مخبوطة فى الاساسيات بتعتها سليمة وهيا مطلوب فيها 32 الف يا ريت تقولولى ايه رايكم فيها لو سمحتم ولا اجيب سبيرانزا 2008 احسن ؟؟ انا خايفه من قطع الغيار وانا لسه جديدةفى السواقة :S

[محمد اشرف]

هيا عربيه حلوه وابعدى عن الصينى لكن قطع الغيار بصراحه مش عارف انتظرى ردود تانيه ممكن حد يفيك فى قطع الغيار

[محمد الجابرى]

الكورسا حلوة جداً وقطع غيارها المانى غالية بس مش قوى لاكن بتعيش كتيرالمهم عايزة تركبى كورسا اركبى 1200 سى سى او 1400 سى سى بس ... تحذير هامابعدى عن الـ 1000 سى سى . تانى ابعدى عن الـ 1000 سى سى مشاكلها كتيروفيها عيوب كتيرواسئلى ميكانيكى

[dalia123]

شكرا جدا على ردودكم انا الصراحة من كتر ما الناس خوفتنى منها ومن الكورسا على العموم انا مش هفكر فيها لان ناس كتير التلى ابعدى عنها على شان قطع غيرها على العموم شكرا جدا لردودكم

[mando787]

المشاركة الأصلية كتبت بواسطة محمد الجابرى الكورسا حلوة جداً وقطع غيارها المانى غالية بس مش قوى لاكن بتعيش كتيرالمهم عايزة تركبى كورسا اركبى 1200 سى سى او 1400 سى سى بس ... تحذير هامابعدى عن الـ 1000 سى سى . تانى ابعدى عن الـ 1000 سى سى مشاكلها كتيروفيها عيوب كتيرواسئلى ميكانيكى

طيب لو سمحت يا برنس انا معروض عليا كورسا 1400 اوتوماتك وحالتها كويسة قوى، كنت عايز اعرف هل الموتور دة فى مشاكل ولا لأ؟ ولو فيه ايه هي المشاكل دي؟ وهل هي احسن ولا ال 1200؟؟
وليه ماجبش ال 1000 سي سي؟؟ لانى بلاقي منها حالات نصيفة جدااااا

مستني ردك يا كبيييييييييييير