كتاوت النور .. هل من مجيب ؟؟؟

[حسام البورسعيدى]

السلام عليكم ورحمة الله ...


النور عندى فى الافانتى مش عاجبنى وحاسس انه ضعيف شويه .. سواء النور الصغير او الواطى و العالى ...

انا اعرف ان المشكلة دى بتتعالج بعمل كتاوت للنور .. بس انا معنديش فكره عنها اوى ..


فكنت عاوز اسال كام سؤال واتمنى الاقى اجابة سريعة ...

- الموضوع ده عباره عن ايه ؟؟ .. يعنى ايه اللى بتحتاجه الكتاوت دى ؟؟

- تتكلف كام تقريبا ؟؟

- هل بيحصل تقويه للنور اللى ورا ونور التابلوه برضو ولا ايه ؟؟؟


وشكرا مقدما يا رجالة .....

[حسام البورسعيدى]

بجد انا متشكر اوى ...

انا اللى 90 % من مشاركاتى عباره عن ردود على استفسارات ومشاكل الاعضاء هنا فى المنتدى .. ولما احتاج مساعدتكم محدش يعبرنى ...

فعلا متشكر جدا ....

[damdam41]

هدأ من اعصابك اخى حسام
انا ركبت كتاوت عندى و هاشرحلك الموضوع حسب ما فهمت لانى برده مش خبير
- الكتاوت مهتمها تقوية التيار الكهربائى الواصل لللمبات او المرواح او الكلاكس
- مش كل عربية ممكن تكون محتاجة كتاوت و فيه عربيات بتنزل اساسا بكتاوت فيها
- الكتاوت فى منها صينى و تركى و فرنساوى و السعر من 25 الى 40 جنيه
يعنى حضرتك ممكن تجيب كتاوت لنفس اللمبات اللى عندك و تجرب و تشوف فيه فرق ام لا و لو مفيش بتجيب لمبات اقوى و يستحسن الالمانى
- الكهربائى بيجيب مجموعة اسلاك مختلفة المقياس يعنى 2 ملى و 4 ملى و الكتاوت و شريط لحام و الكلبسات و ده كله فى حدود 60 جنيه و لو هاتجيب لمبات جديدة بتضيف سعرها
معلش انا شرحت فى حدود معرفتى و اسلوبى الغير منظم

[حسام البورسعيدى]

المشاركة الأصلية كتبت بواسطة damdam41 هدأ من اعصابك اخى حسام انا ركبت كتاوت عندى و هاشرحلك الموضوع حسب ما فهمت لانى برده مش خبير - الكتاوت مهتمها تقوية التيار الكهربائى الواصل لللمبات او المرواح او الكلاكس - مش كل عربية ممكن تكون محتاجة كتاوت و فيه عربيات بتنزل اساسا بكتاوت فيها - الكتاوت فى منها صينى و تركى و فرنساوى و السعر من 25 الى 40 جنيه يعنى حضرتك ممكن تجيب كتاوت لنفس اللمبات اللى عندك و تجرب و تشوف فيه فرق ام لا و لو مفيش بتجيب لمبات اقوى و يستحسن الالمانى - الكهربائى بيجيب مجموعة اسلاك مختلفة المقياس يعنى 2 ملى و 4 ملى و الكتاوت و شريط لحام و الكلبسات و ده كله فى حدود 60 جنيه و لو هاتجيب لمبات جديدة بتضيف سعرها معلش انا شرحت فى حدود معرفتى و اسلوبى الغير منظم

شكرا جزيلا على ردك يا غالى .. وشكرا لانك انت الوحيد اللى عبرتنى ....

انا بس حبيت اسأل فى الموضوع ده قبل ما اعمله علشان ابقى فاهم هيبقى نظامه ايه ..

لانى من يومين كنت عند الكهربائى بصلح المساحات وغيرت طرمبه رشاش الميه ..

وسألته على موضوع الكتاوت قالى انها هتتكلف شويه .. وقلى انى هحتاج 10 متر سلك حجازى 6 مللى والمتر ب 8 جنية .. يعنى 80 جنية سلك بس ...

يعنى اللى فهمته ان الموضوع هيدخل فى 200 جنية كده ..

فحبيت اسال الاول ولكن واضح انى كنت متعشم فى المنتدى زياده عن اللزوم .....

[sherif fersh]

سلك 6 مللى ... ليييه
ثم 10 متر ليييه برضه
يا حسام ...
أنت هاتركب كتاوت و لمبات أقوى من الفابريكةو 3-4 متر سلك بالكتير
الكتاوت وظيفتها أنها تمنع الحمل عن زرار النور
واحد صديقى كان لسه شارى كيا ريو زرار النور ساح
لأن اللمبات كانت كبيرة و مافيش كتاوت
و الله الموفق ‘