بوادر ازمة

[magid55]

النهارده رحت امون بنزين فوجئت ان معظم محطات البنزين فى المنصورة لا يوجد بها بنزين خالص (اى نوع) المحطة اللى فى شارع المحافظة جنب الشبان المسلمين قاللى فيه بنزين 95 بس وبنزينة شل قال مفيش خالص ولفيت على كذا بنزينة برضو مفيش رحت طلخا نفس الكلام اخيرا" لقيت فى البنزينة اللى ورا عمر افندى بنزين 92 فولت منه وكان هناك طابور طويل كله بيحط 92
يا ترى دى بوادر ازمة كبيرة فى البنزين واللا حاجة عارضة؟ اتمنى ماتكونش ازمة

[NASERELFHHAM]

ربنا يستر علينا احنا من ازمه لأزمه

نسأل الله السلامه

[RAYAN]

فعلا ربنا يستر اليومين اللى فاتوا دول عدوا بصعوبة كبيرة وربنا يعدى اللى جاى على خير

[michohat]

نفس الموضوع تمت ملاحظته فى الزقازيق فى بنزينه شل الموجوده بقرب من موقف المنصورة دخلت امون قالوا لي مفيش بنزين خالص ولا اي نوع
رحت على بنزينه تانيه فى وسط البلد ( علي زكي) لقيت طابور عليها معرفش كان على 80 ولا 90 لقيت ال 92 فاضيه دخلت عليها و ملئت التانك

[poussi]

يوم الخميس كنت عايزه امون لفيت المنصوره كلها مفيش لا 90 ولا 92 ولا 80

واخيرا لقيت بنزينه فى شارع عبد السلام عارف بس كان طابور محترم

ربنا يستر ومتحصلش فى 90 او 92