|
الصينى العام الصين هى احدث صانعى السيارات فى العالم حيث بدأت فعلياً فى عام 1998 الا ان تعداد الصين والنمو الاقتصادى السريع جعل من الصين واحدة من اكبر الاسواق العالمية مما جعل الشركات العالمية تتهافت على تصنيع سياراتها فى الصين بينما تسعى الصين لغزو العالم بمنتجاتها المحلية اهم الشركات : هايما - ليفان - فاو - جاك - شانا بينى - شيرى و اسبيرانزا - جيلى - ايديا Zotye - FOTON - CHERY - Brilliance - Great Wall - Geely - FAW - Lifan - BYD - SPERANZA |
|
أدوات الموضوع |
#1
|
||||
|
||||
تغطيه وصول سيارات روي الصينيه الي الكويت لكن تحت اسم MG
السلام عليكم جميعا
فوجئت الاسبوع اللي فات بعربيه غريبه ماشيه جنبي في الشارع و للاسف ظروف الطريق مسمحتش اني امشي قريب منه و اشوف نوع العربيه بالظبط لكن بعدها قريت في الجرايد وصول عربيات MG الي الكويت و كوني عارف ان روفر و ال MG توقف انتاجهم عرفت ان اللي مزلت دي هي النسخ الصينيه منها و فعلا مكدبتش خبر و رحنا شفناهم و عرفنا انها عربيات روي الصينيه لكن باسم MG تجنبا للدخول في جدل العربيات الصيني و اعتماديتها بصراحه كنا رايحين و متوقعين نشوف عربيه صيني بجوده تقفيل و خامات سيئه لكن لما اتفرجنا علي العربيات اتفاجئنا لان العربية فاقت كل توقعاتنا اول عربيه هي ال 350 و هي اصغر عربيه و بتتوفر بمحرك 1500 سي سي 107 حصان العربيه فيها شبه كبير من الاكسنت و التقفيل و الخامات كويسه و الاحسن من ده كله المواصفات زي ال 2 ايرباج و ال ABS و ال EBD اسيبكم مع الصور العربيتين التانيين هما ال 550 و ال 6 و الاتنين نفس العربيه تقريبا لكن مع اختلاف الشكل و المواصفات لل 6 و العربيتين بييجوا بمتور 1800 سي سي تيربو 160 حصان و المواصفات بقي لا حصر لها من الجلد و ال GPS و انظمه الامان و برضه نفس جوده التقفيل و الخامات و دي صورهم دي ال 550 و دي ال 6 و كان فيه طبعا ال 750 اللي هي الروفر 75 سابقا و هي اكبرهم لكن مصورتهاش طبعا زي ما وضحت العربيات كانت اكتر مما توقعنا و اللي عجبني اكتر ان مندوب المبيعات مانكرش ان العربيات متجمعه في الصين و قالنا ان علي الرغم من كده لكن العربيه تحت مراقبه الانجليز و ان الصينين طلعوا اذكي منهم و عدلوا العربيه بحيث تلائم الاجواء الخليجيه من ناحيه الحراره و السرعه الشيئ اللي لم ينجح فيه الانجليز و ده من اسباب انهم منزلوش العربيه باسم روفر لان الروفر ال 75 كان عيوبها كتير و اكتسبت سمعه وحشه هنا في النهايه اتمني التقرير يعجبكم و اتمني العربيات دي تجد طريقها للسوق المصريه بدل العربيات الصينيه الاقل جوده المتوفره حاليا
__________________
Sharief Mansy
Farewell my Cayenne, you were the best car i ever had and driven |
#2
|
||||
|
||||
رد: تغطيه وصول سيارات روي الصينيه الي الكويت لكن تحت اسم MG
أنا مش مصدق عنيا شريف باشا كاتب تقرير عن عربية صينى !!!
الله ينور خبر مثير و تقرير ممتاز أما نشوف الصين هتعمل إيه فى أسواق الخليج ذات المتطلبات الخاصة |
#3
|
|||
|
|||
رد: تغطيه وصول سيارات روي الصينيه الي الكويت لكن تحت اسم MG
بصراحه كنا رايحين و متوقعين نشوف عربيه صيني بجوده تقفيل و خامات سيئه لكن لما اتفرجنا علي العربيات اتفاجئنا لان العربية فاقت كل توقعاتنا
شكرا عالموضوع والصور واللي في نفسه كلام حول العربيات اللي مجمعة في الصين والتي بدأت تغزو كل الاسواق وأولها سوق الخليج العربي وباقي اسواق الشرق الاوسط ...أيه رأيه؟ وبالمناسبة...لدى مصنعي السيارات في الصين...أكثرمن أن يقدموا في هذه الموديلات وبأسعار اصبحت تسبب بأفلاس الشركات العالمية في أوربا واميركا.وأقبال الزبائن على المنتج في الصين والنتيجة طبعا؟؟؟ معروفة الشركات العالمية التي لم تتواصل في مسيرات انتاجها وتوقفت وتم شراءها من قبل ممولين واصحاب شركات صينية ... واللي تحاول أن تجد لها أسواق اخرى...أعطت الامتياز للشركات الصينية وتحت رقابتها لكن العقلية الصينية معروفة...في الابداع والابتكار لكل ماهو مرغوب..أضافت ما يعجب ويرغب به الزبون وبأقل الاثمان.وهم مستمرون بالابداع والانتاج وعلى أد ميزانيتك ستجد عربيتك... |
#4
|
||||
|
||||
رد: تغطيه وصول سيارات روي الصينيه الي الكويت لكن تحت اسم MG
:clapW1 5:
|
#5
|
||||
|
||||
رد: تغطيه وصول سيارات روي الصينيه الي الكويت لكن تحت اسم MG
شكرا للموضوع الجميل
|
أدوات الموضوع | |
|
|