مشكلة مع معدل حرق البنزين فى الفيرنا

[eng_sa3d]

الموضوع انى كنت مسافر من الاسكندرية الى القاهرة وكان تانك البنزين full ووصلت القاهرة لقيت فاضل تلت التانك واصدقائى كانو معايا وقالولى ان ده كدة مش طبيعى مع العلم انى باحط بنزين 92 وعربيتى 2007 عاملة 76000 وانا مركب جنط 15 كاوتش 195-55 وعامل عتب وكساحات فايبر معتقدش انها ممكن تكون متقلة العربية والعربية كان فيها 3 اشخاص
انا عموما بقالى فترة حاسس انها بتاكل بنزين وسؤالى لاصحاب الخبرة هل ده طبيعى؟؟وايه هوا معدل حرق البنزين فى الفيرنا؟؟ولو ده مش طبيعى يا ترى ايه اللى ممكن يكون السبب مع العلم ان مفيش اى تسريب للبنزين فى العربية؟؟؟
شكرا مقدما

ممكن اعرف يا بشمهندس انتا كنت ماشي بسرعة كام كيلو في الساعه وبتنقل الفتيس علي كام علي الار بي ام علشان اقدر افيدك في الموضوع ده

[طارق ابوذيد]

المسافه من القاهره الى الاسكندريه حوالى 220 كيلومتر والمفروض تستهلك بسياره فيرنا 15 لتر بنزين وفوق ذلك يجب الكشف على السياره والله يوفقق

[memodina1]

بص انا لسة موسوس بالنسبة للموضوع دا انا كان عندى انى العربية بتعمل 140 كيلو جوة البلد فى نصف التانك كام لتر بقى مش عارف المهم نصف التنك
رحت كشفت كمبيوتر طلع عندى انى الرشاشات مسدودة وخد بالك لو مسدود هتلاقى البوجية اللى تحتية مصفر كدة شوية المهم الراجل قالى لازم يتنظف انا كنت غشيم مش عارف انة لازم جهاز عشان ينظفة بصراحة انا مش عارف الراجل عمل اية جهاز ولا ايدة ولا اية مش عارف والله
المهم جربت العربية الوقتى بتعمل حوالى 200 كيلو كل نصف التنك مش اكتر خد بالك
فمش عارف هل دا الطبيعى ولا اية وبصراحة مش عايز اروح للراجل اسالة لانى مشغول اوى حتى مش عارف اكل وانام كويس الايام دى
خدوا بالك المعدل دا جوة البلد وعلى 2.5 او 3 اربى ام بالكتير يعنى لا اتعدى 3
طبعا فى اوقات قليلة بعدى وبجيب 5 او 6 كدة بس قليل اوى يعنى شدة عشان افادى كدة
هو يا جماعة اية احسن معدل امشى علية بالنسبة للغيارات فى الار بى ام افضل معدل يعنى
العربية مانيوال فيرنا 2007 1600 سىسى بنزين 92 وممكن اعرف ازاى اعرف انى السحب كويس ولا لانة انا عارف انة سؤال تقيل شوية بس عايز اعرف
فمممكن واحد يقرا المشاركة ويقولى برضة هل دا طبيعى ولا اية اذا سمحتم
وبالنسبة لصاحب الشكوى انا قلتلك اللى عندى اهه ممكن يفيدك

[memodina1]

المشاركة الأصلية كتبت بواسطة طارق ابوذيد المسافه من القاهره الى الاسكندريه حوالى 220 كيلومتر والمفروض تستهلك بسياره فيرنا 15 لتر بنزين وفوق ذلك يجب الكشف على السياره والله يوفقق

يا استاذ طارق انت كدة بتتكلم على الرقم القياسى للعربية اللى فى الكاتالوج اللى هو 7 لتر فى 100كيلو
الموضوع دا لما يكون الغيار على الخامس وسرعة العربية على 90 هو دا الاداء الامثل دا غير انة مفروض مفيش حرق فى الغيارت من الاول للخامس عشان تدى الاداء دا وخد بالك العربية بفالها 4 سنين يعنى مش زيرو برضة
لو ليك تعليق على النقطة دى ياريت تقول عشان نستفاد انا بقول من وجهة نظرى وياريت تقولنا اية الكلام عشان موضوع البنزين دا عملى قلق زى الراجل دا والله