استفسار هاام جداااا .. الى عباقرة مصر موتورز فقط .. :)

[taklaloveu]

أولا : تحيه لكل الأعضاء المحترمين والقائمين على هذا المنتدى الذى لم اجد مثيل للروح الطيبه الحاله بين أعضاؤه
ثانيا : استفسارى كالآتى :
انا سيارتى هيونداى اكسنت 1500 مو 98 مانيوال ..
* انا بفكر انى اغير الموتور كامل " بالمارش والدينامو و .. " بالفتيس بضفيرة الحوض ...
ففكرت "بل وتمنيت" انى بالمره اجيب المكنه بالفتيس اوتوماتك واللى شجعنى على الفكره دى " سخنها ف دماغى " انى قريت هنا ف المنتدى ان واحد قلب عربيته دايو لانوس لاوتوماتك بكل التفاصيل - بس للأسف انا مش عارف اوصل للموضوع دا تانى وخصوصا انه كان من فتره كبيره ." آسف للإطاله "
*** سؤالى بقى : هل فعلا ينفع انى اركب المكنه بالفتيس الأوتو فى عربيتى .. ولو ينفع طب هحتاج ايه تانى ..
ولا هذه الفكره مش مستحبه - مع العلم انى مش عايز اعمل شغل تانى ف العربيه بعد كدا يعنى عايز اعمل الموضوع دا وانسى العربيه ...
وصدقونى مش لاقى كلمات توصف مدى شكرى وتقديرى لكم جميعا

[حسام البورسعيدى]

هو ممكن بس هيكلفك كتير اوى لانك هتحتاج تغير حاجات كتير ..

يعنى هنفترض انك هتجيب موتور كامل بالفتيس الاتوماتيك بالضفيرة ..

هتحتاج تغير الريداتير واجزاء من الكونصول ..

واحتمال تحتاج تعمل تعديل فى قاعدة الفتيس ...

دا غير الحاجات المستخبية

علشان كده منصحكش اوى بالموضوع ده ....

[taklaloveu]

بشكر حضرتك يا أستاذ حسام على سرعة الإستجابه والرد على معضلتى ..
يعنى حضرتك شايف انى بلاش اعمل الموضوع دا وخليني زى مانا أفضل ..

[حسام البورسعيدى]

المشاركة الأصلية كتبت بواسطة taklaloveu بشكر حضرتك يا أستاذ حسام على سرعة الإستجابه والرد على معضلتى .. يعنى حضرتك شايف انى بلاش اعمل الموضوع دا وخليني زى مانا أفضل ..

تمام ..

وخصوصا انك عاوز تنسى العربية بعد كده ..

شوف يا غالى .. لو نفسك اوى اوى فى موضوع الاتوماتيك ده ممكن تسعى فيه وتشوف الحوار بتاعه ايه بالظبط ...

وتبدأ تدور على تاجر استيراد كويس علشان تتفق معاه على تبديل القطع بتاعتك القديمة (الفتيس المانيوال ووصلاته و مجموعة الدبرياج والريداتير وغيره بالقطع اللى انت عاوزها اللى هى الفتيس الاتوماتيك والقربة والريداتير ال3 ماسورة والكونصول و الكنترول (وحده التحكم) وغيره) .. وتشوف الفرق هيكون كام ..

وبعدين تشوف ميكانيكى ممتاز وكفئ انه يعمل التعديل ده صح ...

بس عموما انا نصيحتى بلاش لانك هتتكلف كتير فى الموضوع ده ... وممكن يحصل مشاكل بعد كده انت فى غنى عنها ...


وبعدين يا باشا المانيوال مفيش احلى منه برضه

طب تصدق .. عربيتى الافانتى اتوماتيك وكان نفسى احولها مانيوال ..

بس سألت ولقيت الموضوع هيكلفنى جامد اوى وممكن يبقى عك فغيرت رأيى ..

تحياتى يا غالى ....

[taklaloveu]

تمام ..
أشكرك ع الإهتمام والمتابعه
وخصوصا انك عاوز تنسى العربية بعد كده ..
بالظبط .. انا ناوى اشدها شده محترمه .. وبعد كدا أنسى ..
شوف يا غالى .. لو نفسك اوى اوى فى موضوع الاتوماتيك ده ممكن تسعى فيه وتشوف الحوار بتاعه ايه بالظبط ...

وتبدأ تدور على تاجر استيراد كويس علشان تتفق معاه على تبديل القطع بتاعتك القديمة (الفتيس المانيوال ووصلاته و مجموعة الدبرياج والريداتير وغيره بالقطع اللى انت عاوزها اللى هى الفتيس الاتوماتيك والقربة والريداتير ال3 ماسورة والكونصول و الكنترول (وحده التحكم) وغيره) .. وتشوف الفرق هيكون كام ..

وبعدين تشوف ميكانيكى ممتاز وكفئ انه يعمل التعديل ده صح ...

بس عموما انا نصيحتى بلاش لانك هتتكلف كتير فى الموضوع ده ... وممكن يحصل مشاكل بعد كده انت فى غنى عنها ...


وبعدين يا باشا المانيوال مفيش احلى منه برضه
انا اقتنعت فعلا بكلام حضرتك .. انا صدقنى بحب المانيوال لكن مشكلتى كلها ف السواقه جوا الزقازيق بقت زحمه جدااا وخصوصا بعد الثوره وشغلى احيانا كتير بيخليني اعمل مشاوير الضهريه " ف ساعة الذروه " ف الزقازيق .. فقلت الأوتو هيكون ارحم شويه من النقل كل شويه مابين الأول والتانى .. او انى امشيلى نص ساعه ع الأول ورجلى ع الدبرياش من الزحمه ..
طب تصدق .. عربيتى الافانتى اتوماتيك وكان نفسى احولها مانيوال ..

بس سألت ولقيت الموضوع هيكلفنى جامد اوى وممكن يبقى عك فغيرت رأيى ..

تحياتى يا غالى ....[/QUOTE]
ياأستاذ حسام الف شكر ليك وتقلت عليك .. وكلك ذوق لإهتمامك بالموضوع وسرعة الرد لكن لي استفسار أخير .. " معلش انا متعب "
هو بخصوص Air Mass Control Sensor او بلغة الصنايعيه " الهيرماس "

انا دورت عليه عند بتوع الإستيراد لكن الكل قالى هو قليل وهنسألك عليه فلو حضرتك عندك فكره عن تمنه او عن تواجده ف بورسعيد عند بتوع الإستيراد يبقى كتر الف خيرك ..