العربية قطعت بعد ما مونت بنزين

[ايمن عبدالحميد]

العربية كانت زى الفل وبعدين مونت من ساعتين وانا راجع لقيتها بتقطع فى الدوسة ، وعملت البدع معاها غيرت موبينة ، كوندنسر ، وش اسبراتير، بوجيهات ، ونظفت الكربراتير مفيش فايدة اغيثونا يا سادة

[احمد الشناوى1981]

هو غالبا البنزين مغشوش ومخلوط مية او فيه رواسب كتير سدت فلتر البنزين
انت الاول بص على فلتر البنزين و لو كان فيه رواسب غيره و لو كان نضيف فممكن تشوف موضوع البنزين ده بانك تجيب جركن فيه بنزين طبعا من بنزينه تانيه غير الى كنت ممون منها و بعدين تشيل الخرطوم الى بياخد البنزين من التانك و تحطه فى الجركن و تدور العربيه لو دارت كويس يبقا حضرتك تفضى التنك من البنزين الى المغشوش و كله هيبقى تمام ان شاء الله