هام جدا للسادة ملاك a class الرجاء الدخول والتعقيب

[محمد سرور]

ياجماعة يامحترمين يالى معاكو فئة a class ياريت اخر اخبار السيارة او بمعنى ادق اخر تقارير عنها لانى مقبل على شرائها حتى يستفيد الجميع من ملاكها بشكل افضل شكرا
على فكرة انا كنت حاجز b classولكن تعسرت فى تمنها لانها غليت والتوكيل بيقول مليش دعوه الزيادة عليك لاننا كلمناك علشان تستلم وانت مجيتش مش ذنبنا وملناش دعوه بظروفك
والمهم ان معظم الناس اللى بيفكروا فى الb class هيتوجه فكرهم لل a classنظرا لسعرها اللى مبقاش منافس خالص
شكرا

[aymanlaw]

استاذ محمد --على فكره انا ناوى ابيع العربيه الجاك b class --والذى كان مأخرنى هو الأتفاق مع كونتاكت كار وانت عارف ان فيه شوية تحريات بيعملوها والحمد لله كله تمام واخذت موافقه منهم كى اقسط العربيه الجيب ---فلو حضرتك لسه عايز الجاك انا تحت امرك والعربيه لسه بحالة الزيرو ومعملتش 5000 كيلو الى الأن وهى لسه بأستيكر المصنع على الصاج كله وبكيسها على الكراسى كلها --

[د.كمال]

واحشنى والله ياأستاذ أيمن ....أنت فين من زمان
طب أهى فرصه للى عايز يشترى عربيه الاستاذ أيمن
للعلم أنا عربيتى محستش أن أدائها إتحسن غير بعد ال5 الاف كيلو

[aymanlaw]

المشاركة الأصلية كتبت بواسطة د.كمال واحشنى والله ياأستاذ أيمن ....أنت فين من زمان طب أهى فرصه للى عايز يشترى عربيه الاستاذ أيمن للعلم أنا عربيتى محستش أن أدائها إتحسن غير بعد ال5 الاف كيلو

يادكتور :حضرتك إلى واحشنى جدا جدا وايضا الباشمهندس سيف الدين وجميع الأخوه الأفاضل وبجد متشوق الى رؤياكم قريبا ان شاء الله--
ولى سؤال ::عايز اعرف من حضرتك كيف كان اداءالعربيه قبل الخمسة ألاف وبعدها يعنى ايه الفرق بين وبين ولك جزيل الشكر ووحشنى بجد والله العظيم --الف شكر على كرم اخلاقك واهتمامك بسؤالك عنى وعن باقى الأخوه الأعزاء ,فانت أنت كريم ابن كريم جزاك الله خيرا وبارك الله فيك وفى اهلك اجمعين --كما احب ان ابشرك,بأن صديقى (طارق الحلو)وهو صديق منذ الجامعه حيث كنا معا فى جامعة الأسكندرية بس هو كان فى كلية الزراعة والكلام ده منذ عام 1980 يعنى شوف الأخوه والصداقه ممتده من كام سنه ---هو الحمد لله اخذ برائه مما نسب اليه من جنح بسبب ما كنت قد سألتك عليه --وهذا ماكنت اتوقعه --الحمدلله--لذلك اناوالحمد لله من اسعد الناس بهذا الخبر وحبيت ازفه اليك --ولك كل الشكر والتقدير

[د.كمال]

أستاذنا الغالى وأخونا الكبير أستاذ أيمن
أخبارك إيه ياغالى وأخبارعصام والحجه إن شاء الله يكونوا فى أحسن حال وأهدى بال يارب .
أما بالنسبه ل أداء الجاك قبل ال5 الاف كان السحب والتجميع ضعيف شويه طبعا بدأ يعلا بالتدريج بعد 3الاف حتى وصل الى القمه بعد ال5 الاف والان 6500 ك أعمل أمريكان وإسحب ذى مانت عايز
الحاجه التانيه كان فى صوت تطبيل فى العفشه مع المطبات ودلوقتى العفشه طبعت وبقت تمام التمام
الحجه التالته العربيه مظهرش منها اى عيب حتى الان والحمدلله قويه جدا وخامات متينه يعنى مفيش حاجه اتكسرت ولا حاجه فكت ولا لمبه علقت ذى مابسمع فى عربيات تانيه
الحاجه الرابعه ناس كتير جداا والله خليتهم يركبوا العربيه ويسوقوها ومعاهم عربيات أعلا منه بكتير ذى الالنترا والسيراتو والانسر وانا إتعمدت أنهم يركبوها عشان أشوف الفرق وشكروا فيها جدا ومحسوش بأى فرق وده مش مجامله ليا لأ دا كلامهم للغير .
على العموم محدش يزعل من كلامى ويقول إنى بعمل دعايه للوكيل عشان كده بيغلى العربيه أنا لايهمنى حد يشترى العربيه ولا حد يبيع .............وشكرا