برافو 120 حصان هاى لاين ولا مازدا 3 الجديد هاى لاين ؟

[THë_int®µD£R]

السؤال واضح من عنوانه

انا كنت خلاص هجيب البرافو بس اللى وقفنى
الخصم الجديد على المازدا 10000 جنية
سعرها الأن 152000 ألف بدل 162 ألف جنية
طبعا انا بتكلم على الهاى لاين وفيها كل حاجة وأعتقد أمكانيات أكثر من البرافو
بس برضو متردد وقولت أشوف أعضاء قسم الفيات يختارو أية
انا عارف ان برافو أقوى بس انا عاوز التقدير العام مش حاجة واحده بس

البرافو ولا المازدا الهاى لاين

علمأ ان مازدا أغلى 7000 جنية كده من البرافو

( انا عاوزها أوتوماتيك - فا محدش يقولى هات ال 150 حصان)

[MOTORULE]

أنا أخر موديلات فيات أتعاملت معاها كانت حاجة و90 فمش عارف الوضع أختلف ولا لسه
فيات كأداء هترضيك علي الأخر بس عايزة صيانة كتير و معرفش ده عيب فيها ولا في قطع الغيار اللي خسارة فيها يكتبوا عليها made in china فأنت أسئل علي قطع الغيار الأول و أسئل حد دخل في الموديلات الحديثة دي من فيات و عارف قطع غيارها عاملة أزاي
كانت كويسة يبقي أتكل علي الله
كانت زي الموديلات القديمة يبقي مفيش داعي تجيب حاجة خرافية و سنة في التانية تلاقيها من رداءة قطع الغيار بقت كأنك راكب الريجاتا
بالنسبة للمازدا فبما أنها ياباني فغالبا قطع غيارها نضيفة بس ممكن تكون غالية شوية

[فادى]

من ناحية الأداء و التوازن و متعة القيادة فلا خلاف على ان البرافو افضل كثيرا من المازدا.
المازدا أيضا ليست سيئة فهى ليست يابانية تماما من مازدا بل هى شكل من أشكال الفورد فوكاس, حيث تعتمد مازدا فى معظم مكوناتها على شركتها الأم فورد.
بالنسبة للاعتمادية فان كل من مازدا و فيات شركات اعتماديتهم تتصاعد منذ فترة ليست ببعيدة, مازدا كانت فى السابق شركة سيئة السمعة لناحية الاعتمادية الا انها أصبحت افضل كثيرا بعد ان اشترتها فورد.
فيات فى المقابل عانت من مشاكل بالاعتمادية فى فترة السبعينات و استمرت الى التسعينات لكنها تحسنت بشكل كبير بعد ذلك و أصبحت جودتها تضاهى بل و تتفوق فى بعض الاحيان على السيارات الألمانية.
لا يمكننا تفضيل سيارة على اخرى بشكل قاطع لناحية الراحة, اذ ان السيارتين تقدمان مستوى جيد من الراحة و الرفاهية.
نصحيتى هى اشترى ما تميل اليها قلبك.