بخصوص السياره جاك بى 15

[silentman84]

السلام عليكم
اعضاء هذا المنتدى الجميل كل عام وانتم بخير
اريد منكم مساعدتى فى شراء السياره جاك بى 15 حيث اننى كنت غير مقتنع بيها فى الاول لكن بعد ما رائيتها عجبتنى وقررت شراؤها ولكن بنظام تقسيط مباشر من توكيل او معرض حيث اننى استطيع دفع مقدم 30 الف جنيه والباقى على خمس سنوات ارجوا منكم افادتى للاهميه والجديه فى الموضوع

[د.كمال]

الاخ سيلنت ارجو منك ان تأخذ وقتك فى التفكير وميكنش اقتناعك بالعربيه نابع عن استعجال.......اما اذا كنت مقتنع بها وزعلان من ارتفاع تمنها فمعك حق وكلنا زعلنا لما ثمنها ارتفع ولما سألنا عرفنا ان فى ضريبه جديده فرضت على السيارات المستورده .........على العموم لو انت ناوى تشتريها توكل على الله العربيه مظهرش منها عيب معى حتى الان 5000 ك واول واحد شاريها عامل بيها 30000 ك بدون عيوب فى العربيه واحنا متابعين معاه كويس ....... وأعتقد التوكيل والمعارض التابعه له فيها نظام التقسيط ......لكن اهم شيئ انك تكون مقتنع بالعربيه تماما

[سيف الدين سعيد]

المشاركة الأصلية كتبت بواسطة silentman84 السلام عليكم اعضاء هذا المنتدى الجميل كل عام وانتم بخير اريد منكم مساعدتى فى شراء السياره جاك بى 15 حيث اننى كنت غير مقتنع بيها فى الاول لكن بعد ما رائيتها عجبتنى وقررت شراؤها ولكن بنظام تقسيط مباشر من توكيل او معرض حيث اننى استطيع دفع مقدم 30 الف جنيه والباقى على خمس سنوات ارجوا منكم افادتى للاهميه والجديه فى الموضوع

التوكيل الموجود فى شارع البطل أحمد عبد العزيز بالمهندسين عنده نظم تقسيط . وكمان شركة اباظه ( وده موزع ) عنده تقسيط . واعتقد انه مكانه فى مصر الجديده .

[silentman84]

المشاركة الأصلية كتبت بواسطة د.كمال الاخ سيلنت ارجو منك ان تأخذ وقتك فى التفكير وميكنش اقتناعك بالعربيه نابع عن استعجال.......اما اذا كنت مقتنع بها وزعلان من ارتفاع تمنها فمعك حق وكلنا زعلنا لما ثمنها ارتفع ولما سألنا عرفنا ان فى ضريبه جديده فرضت على السيارات المستورده .........على العموم لو انت ناوى تشتريها توكل على الله العربيه مظهرش منها عيب معى حتى الان 5000 ك واول واحد شاريها عامل بيها 30000 ك بدون عيوب فى العربيه واحنا متابعين معاه كويس ....... وأعتقد التوكيل والمعارض التابعه له فيها نظام التقسيط ......لكن اهم شيئ انك تكون مقتنع بالعربيه تماما

د.كمال شكرا لك على تبين سبب ارتفاع ثمن السياره وربنا يباركلك فيها ويبعد عنك شرها... اما عن العربيه فأنا مقتنع بيها الحمد لله بس المشكله الوحيده انى عايز اشتريها بدون بنك يعنى يبقى تقسيط مباشر من المعرض او التوكيل يعنى يكون تقسيط اسلامى حلال لانى كنت مقسط عربيه فيرنا من المصريه للسيارات تبع بنك باركليز وماشوفتش خير بعدها لانها كانت بنظام ربوى فأضطريت الى دفع باقى الاقساط كاش وفك الحظر وتم بيعها والحمد لله دلوقت الواحد ابتدى يفوق ومش عايز اكرر نفس الغلطه فلو حضرتك تعرف معرض يجبهالى من التوكيل ويقسطهالى تقسيط مباشر يعنى منى للمعرض على طول يبقى حضرتك عملت معايا واجب واسف ان كنت حتعب حضرتك ولك جزيل الشكر

[silentman84]

المشاركة الأصلية كتبت بواسطة سيف الدين سعيد التوكيل الموجود فى شارع البطل أحمد عبد العزيز بالمهندسين عنده نظم تقسيط . وكمان شركة اباظه ( وده موزع ) عنده تقسيط . واعتقد انه مكانه فى مصر الجديده .

اخى الفاضل سيف الدين اشكرك على تعاونك معى ولكن انا روحت التوكيل عندنا فى اسكندريه فى الداون تاون ولكن لازم التقسيط عن طريق بنك وانا مش عايز اتعامل مع بنك كما وضحت فى الاعلى لانى ايضا انظمه المرابحه اللى بتتبعها البنوك ايضا مشكوك فيها من حيث التعامل بالنظام الاسلامى .....اما عن شركه اباظه هل يتم التقسيط عن طريق البنك ام تقسيط مباشر للمعرض...ولو عند حضرتك حل تانى قولهولى الله يكرمك علشان خلاص تعبت من كتر التفكير وزى ماقولت فوق حدفع 30 الف جنيه مقدم وقسط شهرى 1000 جنيه على خمس سنين ويوجد سجل تجارى وبطاقه ضريبه لنشاطى اكثر من 8 سنين وشكرا لك اخى سيف على اهتمامك