لملاك الفيرنا ... بتغير قطع الغيار كل قد اية؟

[SuccessCre8or]

السلام عليكم

طبعاً للحفاظ على اطول عمر للعربية و للحفاظ على العربية و للحصول على إعتمادية عالية لازم نعمل صيانة للعربية و تغيير قطع الغيار الإستهلاكية بصورة دورية

طب بتغير القطع الإستهلاكية كل قد اية ؟ (بالكيلو متر)

البوجيهات
فلتر الزيت
فلتر الهواء
فلتر البنزين
تيل الفرامل
بتستخدم زيت نوعه اية و بتغيره كل قد اية و انطباعك عنه اية؟


اكيد ناسي حاجات تانية...

[abdo verna]

وعليكم السلام
انا بحط زيت شيل هيلكس 5000 الاصفر
واول مرة بتتغير فيها البوجيهات عند 30000 كم
وفلتر الزيت مرة اغيره ومره لا
وفلتر الهواء كل 5000 كم او اكتر شوية حسب الحالة او الستخدام
وفلتر البنزين كل 5000 كم
وتيل الفرامل حسب حالته
مع العلم اني غيرت فلتر الهواء مرة واحدة وفلتر البنزين مرة واحدة
والعربية عاملة دلوقتي في حدود 29.500 وهغير البوجيهات عند ال30.000 ان شاء الله

[abdo verna]

مع مراعاة تنظيف فلتر الهواء والانجكشن
انا لسه عامل الحكاية ده من كام يوم

[AHMEDCAR]

بوجيهات كل 30 الف
فيلتر بنزين كل 15 الف او 30 الف على حسب حاله اتساخه
فيلتر هواء كل 15 الف
فيلتر زيت كل 5 الاف
نوع الزيت فيسكو 3000
تيل الفرامل من نوع جولد كل 20 الف قياده رياضيه

المشاركة الأصلية كتبت بواسطة SuccessCre8or السلام عليكم طبعاً للحفاظ على اطول عمر للعربية و للحفاظ على العربية و للحصول على إعتمادية عالية لازم نعمل صيانة للعربية و تغيير قطع الغيار الإستهلاكية بصورة دورية طب بتغير القطع الإستهلاكية كل قد اية ؟ (بالكيلو متر) البوجيهات بغيرها كل 25000 كيلو فلتر الزيت مع كل تغيرة زيت 5000 او 10000 فلتر الهواء كل 25000 كيلو مع البوجيهات فلتر البنزين بردك كل 25000 كيلو مع البوجيهات وفلتر الهوا تيل الفرامل كانو عايزين يغيروه في صيانة ال 25000 بس لاقوه لسه كويس وحرام يتغير فتقريبا ممكن يمشيني لحد 35000 كيلو بتستخدم زيت نوعه اية و بتغيره كل قد اية و انطباعك عنه اية؟ كنت بستخدم شيل ال 5000 وال 10000 بس الاحساس ان العربية في السحب مش اللي هيه وكمان كان لونه بيتحرق بسرعه لكن انا دلوقتي بستعمل فيسكو 3000 ماشي بيه لحد دلوقتي 2000 كيلو والحمد لله كله تمام وسحب العربية معايا افضل بكتير وصوت الماتور هدي معايا عن الاول اكيد ناسي حاجات تانية...

لسه بقا في حاجات بتطلعلك من تحت الارض يعني اانا غيرت الكاوتشه بتاعت الشكمان لانها اتقطعت لوحدها

غير كدا انا عملت كل اللي انتا قولته ما عدا تيل الفرامل وربنا يستر