127or 128

[F B I]

اولا عايز استفسر عن حاجه اولا مقدرتى يجيب 128 اخر السبعينات او اول الثمنينات او اجيب 127 لغاية موديل 85 عايز اعرف رأى الخبرا اجيب 128 ولا 127 ولو حد قال 127 انهى احسن نصر ولا فيورا انا نفسي اعرف الفرق ما بينهم ارجو المساعده جدا من اخواتى

[hazem_khidr]

اهم حاجه في عربيه ماشيه 30 سنه الحاله
فالحاله هي الفيصل سواء 128 او 127

[فادى]

كما قال لك استاذ حازم, الحالة هى الفيصل,
و برضو حط فى اعتبارك أن ال128 أفضل قليلا من ال127 كسيارة, لناحية الراحة و القوة و الأداء و الثبات.
ال127 سيارة صغيرة للغاية بشكل لم يعد يتناسب مع احتياجات العصر و المسافات الطويلة.
و مع ذلك فان ال127 أكثر اعتمادية قليلا من ال128 و أعطالها أقل.

[h0pa]

طيب يا جماعة ممكن حد يرد علينا في الموضوع اللى اتعمل في القسم هنا بخصوص ال 127
انا عمري ما ركبتها اساسا لكنى عاوز اجيب واحدة بما انى لسة متعلم سواقة و مطلع رخصة جديد فعاوز حاجة تبقي علي ادي
و في نفس الوقت تخدمني لو هاسافر مرة او اتنين في الاسبوع بحد اقصي من الزقازيق للقاهرة او لبورسعيد مثلا بحد اقصي برضه مش الاتنين مع بعض لكن لو قصدي مشوار واحد منهم في الاسبوع تستحمل ولا لا
و في نفس الوقت لو عاوزها تخدمني و تاخد والدي او والدتي او الاتنين معايا هاتكسفني ولا ايه
عارف ان الاسئلة ممكن تكون ساذجة عند الاغلبية لكني والله تقريبا احترت و سألت في كل مكان و الناس كلها تقريبا متكبرة ترد علي سؤال بخصوص 127

[hazem_khidr]

ولا يهمك يا هوبا
ال 127 عربيه صغيره وامكانيتها محدوده
علشان تكون في الامان تمشي بيها جوه البلد
لو حالتها نضيفه او ممكن تسافر بيها لكن بالعقل من غير جري