افاده بالجديد:بعد صيانه 1000 في عندي تسريب زيت ِA113!!!!!!!

[ابو يحي]

انا لسه عامل صيانه ال1000 للاسبرانزاa113 في تكنو 2 وبعد مامشيت 250 ك
بدأت الاحظ نقط زيت تحت العربيه وبصيت من جوه مش عارف مكان الزيت بضبط بس لاحظت انه من النص بضبط من المنطقه اللي فيها فلتر(علي ما اعتقد) تحت الموتور وحطيت قماشه بيضا ولا حظت ان التسريب بينقط نقطه خفيفه بس بيزيد سنه لما ادور العربيه ولونه اخضر وريحته زي الكيروسين ارجو النصيحه عشان بصراحه خايف اروح لميكانيكي يبوظلي طبه الزيت وكمان اللي انا لاحظته ان في الصيانه بيتللككو للناس لو لقو اي شغل بره في العربيه

[حازم شاهين]

يجب العودة لتكنو سيرفس فورا حيث أنهم هم المسئولين عن حل هذه المشكلة إللى إن شاء الله متكونش مشكلة كبيرة يمكن الطبة عايزة تتربط كويس فقط

[ابو يحي]

السلام عليكم ورحمه الله وبركاته
حبيت اعرفكم الجديد في الموضوع ده اني لاقيت تسريب زيت تحت العربيه بعد صيانه 1000 بحاجه بسيطه وكانت النصيحه المشكوره اني ارجع للتوكيل بس بصراحه المسافه بيني وبين التوكيل 200 كيلو فما حبتش اقطعها لو كان السبب مش قوي فبصراحه عملت تحقيق لكل الاسبا واخيرا توصلت للسبب وهو ان البشوات الفنيين الله يسامحهم ماربطوش الفلتر بتاع الزيت كما يجب وكان هو اللي بينقط من فوق من عند مكان الربط وحسبي الله ونعم الوكيل / والحمد لله ان ربنا ستر وخدت بالي/ المهم رحت عند بتاع زيوت والحمد لله ربطته وكلو تمام

ملحوظه انا عملت صيانه 1000 في رمضان وكنت متاكد ان لازم الصيانه مش هتم كما يجب لان شكل الفنيين ماكنش مشجع لاي شغل لدرجه اني طلبت الزق ستيكر جديده علي الضهر مكان اللي اتسرقت و تصوروا ان الباشا لزقها من غير ماينضف مكانها واكتفي انه يمسح مكانها (بكمه) هاهاها
والغريبه انه كان شايفني وانا واقف يعني( بجاحه)
المهم اني هجرب مكان تاني الصيانه الجايه ان شاء الله ودلوقتي لسوء حظهم ان شاء الله ممكن اوصل لمكتب ابو الفتوح نفسه لان في شغل معاهم تبع شغلي و هقدمله تقرير مفصل باللي حصل لان بصراحه مش ده بس اللي حصل :
1-انا حسيت اني مش عميل الا بالكلام المعسول للمهندسين لاني اقعدت من 10 ص ال 3 مساء
2-مشكله الزيت
3-مشكله عضه المرش دير ما اتحلتش
4-ظهر مشكله في الافيز بتاع خرطوم الراديتير وكان بيسرب ميه بعد صيانه ال1000 وركبت افيز 2 بوصه لغايه الصيانه الجايه
5-البشوات الفنيين لما خدو العربيه يجربوها كانو بيجروا بيها في الشارع اللي كلوا عارف انه ضيق جدا
6-كل ماكنت احاول اشوف العربيه بيحصل فيها ايه كان الامن يرجعني اكني في ثكنه عسكريه ودي اسرار ومايعرفوش ان اقل حقوقي اني اشوف العك اللي بيعملوه جوه( اللي من ضمنه ان الباشا بتاع الكوتش زودلي الكوتش ل 35 ورجعوا العربيه عشان ضبتوها تاني وطبعا باقيت الحاجات اللي قولتها)

[كريم احمد]

تقريبا نفس الحصل معايا وبالعكس خرجت فيها اصوات مكنتش موجودة

[احمد على 1999]

هو من الواضح انها ظاهرة فى معظم التوكيلات حتى بدول الخارج برضه
فترة الضمان مهم تحافظ عليها بمتابعتك مع التوكيل و لو مش كويس جرب توكيل تانى المهم تحافظ على الضمان علشان لقدر الله لو فى عيب قاتل حقك ميضعش
و ممكن بالتوازى لو ملقتش توكيل كويس تعمل صيانة بره عند ورشة موثوق فيها ( مع الاستمرار مع التوكيل طوال فترة الضمان )