الاكسل الاكسس اللانوس البرايد

[المناور]

أنا بفكر فى عريبة فى حدود 35000 وأهم حاجة عندى فى العربية انها تكون 1300 سىى سى (علشان أنا الشيطان بيغوينى دايما بالسرعة فبحاول اجيب عربية مش جراية) وتكون سيدان علشان الاسرة ويكون فى العربية باور لانى تعبت من دركسيون عربيتى وتكييف وقطع غيارها متوافرة ورخيصة وموفرة فى البنزين وبيفهم فيها الميكانيكية ، ولو فيها ازاز كهرباء وسنتر وانذار يبقى كتر خيرها اصل دى يعنى من الكماليات اللى مش فارقة معايا قوى .

وقدامى عدة اختيارات منها

1- الكيا برايد سيدان ودى انا مستبعدها حاليا لانى معايا الكيا برايد هاتش باك ومع انها مريحانى فى كل شىء ماعدا الكماليات وعارفها كويس بس بقول حرام اغير لنفس العربية .

2- الهيونداى اكسل عربية كويسة وفيها كل حاجة طالبها بس مشكلتها انى لما دورت لقيت ان احسن حاجة فيها الموديلات اللى قبل 1995 اللى هيا 1500 سى سى ودى بسؤال كذا واحد لقيتها مش موفرة قوى فى البنزين ده غير ان الموديل البعيد ده يعنى استهلاك اكتر للعربية .

3- الهيونداى اكسنت ودى أنا بصراحة مرتاحلها لانى ركبتها من غير ما اسوقها ولقيتها واسعة والفتيس بتاعها ناعم وشكلها من جوة مش بطال بس العربية مش مجرد شكل من برا وجوة وأنا مش لاقى مواضيع تدى تفاصيل ومعلومات كتير عن العربية دى مقارنة ببقية الانواع اللى بقارن بينها ، وده مخلينى مش عارف ايه اللى يخلينى اجيب الاكسنت بدل الاكسل مادام الاتنين يعتبروا زى بعض بس الفرق فى الشكل والموديل ؟

4- الدايو لانوس ودى عربية أنا عن نفسى شايف انها احسنهم بس المشكلة ان سعرها غالبا حايعدى اللى أنا محدده ده غير انها 1500 سى سى فبرضو حاتبقى اكثر استهلاكا بالنسبة للبنزين .

فايريت تفيدونى بين هذه العربيات بالذات الفرق بين الاكسل والاكسنت وايه مميزات الاكسنت وعيوبها ولو فيه روابط ياريت تفيدونى لانى كل ما ادور على الاكسنت تحديدا تظهرلى مواضيع عن النيو اكسنت ومش لاقى حاجة عن الموديل القديم .

[المناور]

ما كنش العشم يا جماعة تسيبونى كل المدة دى من غير رد .

[احمد على 1999]

و الله يا مناور كان نفسى ارد رد وافى بس انا معرفش فيهم غير اللانوس وانا شايف انها ماسكة العصايا من النص يعنى واسعة و عالية و سهلة و كل الميكانيكية فاهمين فيها و بالنسبة لاستهلاكها فى البنزين معقول يعنى تقريبا 280 فى الصفيحة و مع الحسوكة بتوصل 330 فى الصفيحة و مش جراية مقارنة بالهيونداى

[ashraf flfl]

هيونداى اكسنت1300 كويسة وناعمة وقطع غيار رخيصة

[المناور]

و الله يا مناور كان نفسى ارد رد وافى بس انا معرفش فيهم غير اللانوس وانا شايف انها ماسكة العصايا من النص يعنى واسعة و عالية و سهلة و كل الميكانيكية فاهمين فيها و بالنسبة لاستهلاكها فى البنزين معقول يعنى تقريبا 280 فى الصفيحة و مع الحسوكة بتوصل 330 فى الصفيحة و مش جراية مقارنة بالهيونداى

يا باشا دخولك لوحدة ومحاولة افادتى كفاية .

بالنسبة للانوس هى معاك ولا كلامك من واقع قراءة ومتابعة ؟ يعنى ياريت تفيدنى اكتر من واقع خبرتك بالعربية عن مميزاتها وعيوبها .

بالمناسبة أنا بحثت قليلا منذ طرحت الموضوع ولقيت ان افضل ما فى الاكسل والاكسينت واللانوس هو موديلات ال 1500 اما ال 1300 فمش قد كده وده بيرجعنى لقدرى ونصيبى الكيا برايد هيا الوحيدة الاصيلة اللى على قد فلوسى وامكانياتها بتلبى اغلب مطالبى .

وأنا دلوقتى قدامى حل من اتنين يا اما ادور على موديلات تانية 1300 وفيها ما اطلبه من امكانيات أو اصبر قليلا وازيد على المبلغ واجيب حاجة 1500 وامرى إلى الله .