محتاااااااااااااج مساعدتكم في شراء سيارة renault clio 2006

[IsaMoooo]

السلام عليكم
انا ناوي اشتري سيارة رينو كليو موديل 2006 renault clio 2006
هاف اوبشن جير عادي و الزجاج عادي مش كهربه و كسيت عادي
العربيه ماشيه 108175 كيلو
الهيكل الخارجي جميله و نظيفه جدا من الداخل و الخارج
عند السواقه مفيش اي صوت يتسمع من العربيه
صاحبها بيقول انه ما حصلش لها حادث خالص
و دايمن اي تصليحات من الوكالة و دفتر الوكاله موجود بس الزيت بيغيره من الخارج



المهم نجي ع السعر
الراجل طالب فيها 42 الف جنيه و مش عارف ممكن اضغط عليه لل 40 الف

قولتوا ايه و يريت كل مميزات العربيه عموما و عيوبها
و هل العربيه قطع غيارها متوفرة ؟
يري تنصحوني هل اشتري ولا لاااا ؟؟؟؟

انا معتمد على الله ثم عليكم

سلامي لكم

[aklmohamed]

بالنسبة للسعر لوحالة العربية كويسة فعلا فهو سعر مناسب تماما وتوكل على الله ولكن لابد من الكشف عليها لتتأكد من انها سليمة وليس بها مشاكل
بالنسبة لقطع الغيار رخيصة ومتوفرة واليك بعض الأسعار مثلا لموديل 2003 1200 سسى
سير كاتينة فى ب 50 وفى ألمانى ب100
فلتر هواء فاك 25 وفلتر البنزين فاك 25 وفلتر الزيت حشوة الزيت 15
حساس السرعة 150 فرنساوى
تيل فرامل فى ب50 و ب 150 أسبانى موبينة بالأسلاك للبوجيهات 450
وقطع الغيار متوافرة فى التوفيقية وشارع دمشق وهذه الأسعار من عند ماهر عياد فى التوفيقية
بالنسبة للمميزات:
عربية اقتصادية جدا جدا جدا وجدا للصبح فى استهلاك البنزين اللتر يعمل جوة البلد 12 كم وعلى الطريق ممكن يوصل ل 18 كم
ثابتة جدا على الطريق مثلا لو على سرعة 120 تحس ان العربية واقفة ومكلبشة فى الأرض
الشنطة كبيرة جدا
صوت الموتور واطى
عالية عن الأرض عمرك ما هتحك فى الأرض حتى لو محمل ع الآخر

[IsaMoooo]

أشكرك اخي على الرد و بالفعل اقنعتني انه اشتري العربيه
و ياريت برضه الاخوه يدوني رأيهم بالعربيه و بسعرها
و شكرااا مرة ثانيه

[aklmohamed]

بالإضافة للميزات السابقة ميزة هامة جدا الفرامل عمرى ما شفت فرامل بالحلاوة دى باللمس تلاقى العربية بتكلبش فى الأرض فى مكانها من غير ما تتحرك سم يمين أو شمال بصراحة فرامل قوية جدا وممتازة
التكييف بتاعها كويس جدا ولا يؤثر اطلاقا على سحب العربية مع انه 1200 سسى
السحب والتسارع رهيب وخاصة اذا كنت راكب لوحدك او معاك حد قدام وعمرك ما تحس انها 1200 وفى حالة ركوب جميع الأفراد وحتى تحميل الشنطة فالسحب جيد والتسارع جيد
العيوب :
الباور تقيل نسبيا عن السيارات اليابانى ولكنه ليس عيب صناعة مثلا بل هو مقصود فهو يعطى ثبات هائل للسيارة فى السرعات العالية
الرفارف فيبر وبعض الناس تراه عيب فى حين انه ميزة ففى الخبطات البسيطة يمتص الصدمة ويرتد دون انبعاج وفى الحوادث الكبيرة لا قدر الله فانه ينكسر وبذلك يسمح للأبواب الأمامية ان تنفتح بسهولة بينما فى السيارات الأخرى التى يكون الرفارف صاج فان ذلك يؤثر على فتح الأبواب