ما هو الفرق بين الوكيل والموزع ؟

[totolay007]

السلام عليكم

ان شاء الله ناوى اشترى عربيه لوجان لكن فى حاجه غريبه مش فهمها انا اتصلت بالوكيل واستفسرت عن العربيه قلى الفل اوبشن سعرها 68000 الف
ويتم التسليم بعد 3 شهور طبعا انا مش هستنى 3 شهور والكلام ده انا معايا الفلوس كاش
وعايز اروح ادفع واستلم فى نفس الوقت فأتصلت بموزع اسمه تقريبا محمد ذكى قلى الفل اوبشن سعرها 68000 الف
والتسليم على فورى قلت والله الناس دى محترمه وبتقدر العميل لكن اللى مش وضحلى بعض الاشياء وهى كالاتى

1- ليه الوكيل بيتأخر فى التسليم لفترة كبيره بينما الموزع بيسلم فورى ؟
2- هل فى فرق بين الوكيل والموزع من ناحية الضمان ؟
3- هل نفس العربيه اللى عند الوكيل هى اللى عند الموزع ؟
4- من الاخر لو اشتريت من الموزع هل هيبقى فى فرق عن الوكيل فى اى حاجه ؟

وجزاكم الله كل خير على المساعده

اولا الوكيل طبعا هيكون مضمون 200% عن الموزع لان التوكيل انتا ضامن انك راكب عربية انتا اول واحد تركبها فيه بعض الموزعين عدماء الضمير بيجيبوا العربية يطلعو عين اهلها وبعدين يصفرو العداد ويبعوها علي انها زيرو والوكيل بيكون مستني المصنع يبعتله الكمية اللي متفق عليها لكن الموزع بيكون متفق مع الوكيل انه يبعتله كمية وبيخزنها عنده وبيبعها بزيدة حوالي 500 جنيه بس تستني شهر ولا اتنين وتبقي مطمن انك هتستلم عربية مضمونه ولا تستلم في نفس اليوم وتطلع عربية مقلب وتكفر سيأتك

[totolay007]

المشاركة الأصلية كتبت بواسطة corsair اولا الوكيل طبعا هيكون مضمون 200% عن الموزع لان التوكيل انتا ضامن انك راكب عربية انتا اول واحد تركبها فيه بعض الموزعين عدماء الضمير بيجيبوا العربية يطلعو عين اهلها وبعدين يصفرو العداد ويبعوها علي انها زيرو والوكيل بيكون مستني المصنع يبعتله الكمية اللي متفق عليها لكن الموزع بيكون متفق مع الوكيل انه يبعتله كمية وبيخزنها عنده وبيبعها بزيدة حوالي 500 جنيه بس تستني شهر ولا اتنين وتبقي مطمن انك هتستلم عربية مضمونه ولا تستلم في نفس اليوم وتطلع عربية مقلب وتكفر سيأتك

مشكور جدا على الرد
لى سؤال تانى هو ضمان العربيه بيفرق سواء كان من الوكيل او الموزع وهل محمد ذكى موزع موثوق واقدر اشترى منه العربيه وانا متطمن ؟

[MIDO-SPICY]

اسمحلى انى اختلف معاك يا ابو حميد
اولا لان الموزع او المعرض دا هياخد العربية يعمل بيهاايه لدرجه انه يطلع عنيها للدرجادى
ثانيا مين اللى ممكن يخاطر باسمه علشان يعمل فى العربية كده
ثالثا انا راجل فلوسى فيبى لية استنى
رابعا مادام انت بتستلم صح وعارف وانت رايح تستلم هتبص على ايه بالظبط يبقى ايه المشكله
توكل على الله واشترى انت بس اسال ايه اللى المفروض يتبص عليه كويس فى العربية قبل ما تشترية وخلاص ويستحسن ان اللى يرد عليك فى الموضوع دا هو التوكيل نفسه

[sheko fun]

المشاركة الأصلية كتبت بواسطة corsair اولا الوكيل طبعا هيكون مضمون 200% عن الموزع لان التوكيل انتا ضامن انك راكب عربية انتا اول واحد تركبها فيه بعض الموزعين عدماء الضمير بيجيبوا العربية يطلعو عين اهلها وبعدين يصفرو العداد ويبعوها علي انها زيرو والوكيل بيكون مستني المصنع يبعتله الكمية اللي متفق عليها لكن الموزع بيكون متفق مع الوكيل انه يبعتله كمية وبيخزنها عنده وبيبعها بزيدة حوالي 500 جنيه بس تستني شهر ولا اتنين وتبقي مطمن انك هتستلم عربية مضمونه ولا تستلم في نفس اليوم وتطلع عربية مقلب وتكفر سيأتك

كلام الأستاذ ( crosair ) سليم جداَ .....

لأنى أنا روحت فعلاَ لشركة مورزعة قبل كدة أسمها ( ناشونال موتورز ) وشفت بنفسى عامل النظافة بتاع الشركة وهو بينظف عربية kia cerato وراح مدور العربية ومشى بيها ورجع بعد فترة تقريبا فترة منا كنت بتعاقد معاهم على العربية إللى كنت هجيبها كانت حوالى نصف ساعة ولقيتو جى فى الأخر وركن العربية عادى كإنها ممشيتش قبل كدة .

بس مش عارف هما فعلاَ بيقلبوا العداد زيرو تانى زى ما أستاذ ( crosair ) بيقول ولا لأ. دة لو كدة دى تبقى فضيحة ليهم . وتروح سمعتهم فى أبو نيكلا .

على العموم فى ناس كثييييييييييير أشترت رينو لوجان من ( محمد زكى ) وبتشكر فيه جدا فأعتقد إنو مكان موثوق منه بشهادة الكثيير من المشتريين . وربنا يوفقك فى الإختيار السليم إن شاء الله .