سيارة مصرية 100%

[ramy01011]

الموضوع ده معرفش انطرح قبل كدة و لا لا بس هو جه في دماغي لما قريت من كام يوم مقال بيقول ان مصر كانت بتصنع عربيات من الاربعينات و حتي منتصف الستينات الله اعلم اذا كان الخبر ده صح و لا غلط بس لو كان الخبر ده صح هسئل سؤال واحد طيب فين ؟؟
السؤال التاني ناقصنا اية علشان نصنع عربية مصرية 100% يعني عندنا عمال و حرفين مافيش احسن منهم و لينا تاريخ طويل جدا في موضوع تجميع السيارات, محدش يقولي السيارة النصر دي مصرية لانه معروف اصل 128 كويس , حد يقولي بجد اية اللي ناقصنا من كام سنة سمعت ان لبيا عملت سيارة و بعديها سمعت العراق و اكتر من دولة عربية مقدرش اقول اسيوية عملوا عربيات جايز منجحتش بس عملوا هرجع و اقول مصر فين من ده؟

الحل الوحيد ان مصر تستورد شعب من المانيا او اليابان ممكن ساعتها اقدر اقولك انك هتلاقي اليوم اللي تشوف فيه مصر صنعة عربية يا استاذي العزيز مصر لحد دلوقتي مش عارفه تصنع ماكنه تخرم ابرة الخياطة بتصنع الابرة وتوديها الصين تتخرم هناك وتيجي حتي يا ربي الخرم مش عارفين نخرمه ده ايه وجع القلب ده

[حازم شاهين]

f]بدون تبسيط للموضوع
لإنشاء صناعة سيارات متكاملة يجب أن يسبقها وجود سوق تستوعب عدد معين من السيارات
فمثلا لا يمكن إنشاء مصنع مربح للشاسيهات يجب أن لا يقل إنتاجه عن 100 ألف وحدة سنويا مثلا و لكى ننشأ مصنع ناجح للمحركات يجب أن لا يقل إنتاجه السنوى عن 70 ألف محرك سنويا و هكذا بالنسبة لمصانع إنتاج باقى مكونات السيارة ثم يأتى فى النهاية دور مصنع التجميع
ففى البداية يجب أن يكون عندنا سوق تستوعب حجم الإنتاج الذى يسمح لصناعة السيارات للربح و البقاء

[saadelden]

دا السعوديه هتعمل عربيه و هتنتج 20 الف عربيه في السنه :D

مصر صعب جدا في الفتره دي انها تبتدي في صناعه زي صناعه السيارات
لان عندنا الجوده تحت الصفر ptmnlo123per12

اما العربيات الي بتتجمع هنا يحسنو جودتها يبقى يفكرو في صناعه عربيه ptmnlo123per164

[ramy01011]

المشاركة الأصلية كتبت بواسطة حازم شاهين f]بدون تبسيط للموضوع لإنشاء صناعة سيارات متكاملة يجب أن يسبقها وجود سوق تستوعب عدد معين من السيارات فمثلا لا يمكن إنشاء مصنع مربح للشاسيهات يجب أن لا يقل إنتاجه عن 100 ألف وحدة سنويا مثلا و لكى ننشأ مصنع ناجح للمحركات يجب أن لا يقل إنتاجه السنوى عن 70 ألف محرك سنويا و هكذا بالنسبة لمصانع إنتاج باقى مكونات السيارة ثم يأتى فى النهاية دور مصنع التجميع ففى البداية يجب أن يكون عندنا سوق تستوعب حجم الإنتاج الذى يسمح لصناعة السيارات للربح و البقاء

حضرتك احنا عددنا داخل علي 90 مليون و مافيش اكتر من العربيات في مصر بذمت سوق اكبر من كدة اية بس