حد يعرف حاجه عن احلال الملاكي؟!

[mmiiddoo]

لو سمحتم لو حد عندو معلومه عن احلال الملاكي يا ريت يتفضل و يقولها. يعني سوف يتم الاحلال ام لا؟ و ما موعده

[مهند سالم]

بص يا سيدي إلا أنا أعرفه إن إلا كان عايز يطبق إحلال الملاكي هو رشيد وزير الصناعة، لكن غرفة السيارات عارضت، والموضوع اتأجل، وعموما مش هيطبق - إذا كان هيطبق- إلا بعد ما كل مراحل إحلال التاكسي تنتهي، وكما إحلال الميكروباص، وتقبل مروري

موضوع احلال الملاكي هيطبق يا استاذي العزيز بس مستنين يخلصو من التكاسي والميكروباصات وبعدين هيروحو علي الملاكي بس هيكون الاحلال اختياري وليس اجباري كما حدث في التاكسي يعني براحتك عايز تدخل عربيتك في عربيه جديدة وتقسط للبنك اوك مش عايز خليك براحتك بس بتوع البيئة هيشتغلولك في الازرق لو عربيتك مش مظبوطة وده كلام قريبي في الادارة العامه للمرور مش هقدر اقول منصبه علشان متبقاش مشكله بالنسباله

[مهند سالم]

المشاركة الأصلية كتبت بواسطة corsair وده كلام قريبي في الادارة العامه للمرور مش هقدر اقول منصبه علشان متبقاش مشكله بالنسباله

وعشان برده ما تبقاش مشكلة بالنسبة لينا، يا عم خلي المنتدى ماشي جنب الحيط، ربنا يسترها معانا

[mmiiddoo]

شكرا يا استاذ مهند و شكرا يا استاذ corsair. ممكن لو حضرتك تعرف الموعد المتوقع لبدء الاحلال تقولو و جزاك الله كل خير.