مساعده في اكسارا 1

[محامي من مصر]

أنا عندي اكسارا 1 وبعدين انهارده بعد ما شغلت العربيه وأثناء ما انا مستنيها تسخن فوجئت برعشه فجأه وبعدين السياره طفت فجأه ومرديتش تدور تاني قلت يمكن البنزين خلص لأن عداد البنزين معلق فرحت جبت بنزين في جركن وحطيت البنزين في العربيه بس برده بتدي مارش ومبتلقطش خالص ياريت اللي يعرف يفيدني يا ترى أيه اللي ممكن يكون حصل علشان أنا بعيد عن الميكانيكي وكمان بكره الأحد وبعده شم النسيم يعني اجازه وبعدين أنا مشغول في العمل غير أن أي ميكانيكي حيقولي هات العربيه وهي مش بتدور فيا ريت اللي يعرف يفيدني جازاكم الله كل خير.

[MANDO09]

والله مش هأقدر اساعدك غير بانى ادعيلك العربية تمشى معاك وربنا يكرمك ومتعملش معاك المواقف البايخة دى تانى

[محامي من مصر]

المشاركة الأصلية كتبت بواسطة MANDO09 والله مش هأقدر اساعدك غير بانى ادعيلك العربية تمشى معاك وربنا يكرمك ومتعملش معاك المواقف البايخة دى تانى

شكراً لدعوتك الجميله والتي ادعو الله أن يستجيب منك وهي لا تقل أهميه عن أي أفاده في الموضوع.شكراً لك

[MANDO09]

يا سيدى العفو بس ابقى طمنا على حضرتك لما العربية تمشى ويارب حد ياخد باله بالموضوع من أصحاب الخبرة الواسعة مع السيتروين ويقدر يساعد حضرتك

[mahmoudfs]

مرحبا اخي الغالي.
عندك المشكله مش شغال مضخه البنزين معطله في داخل التنكو اسبب لا يوجد بنزين او معلقه من الاوساخ او الاتربه لقله البنزين داخل التنك.
لازم تفحص اذا كانت شغاله ام لا .انته افتح السوتش و احد من اصدقاء بيسمع صوت المضغه اذا كانت بتعمل ام لا..تقرب على التنك.
وان شاء الله المشكله بتتحل .
اما اذا كان السبب كهرباء لازم تفحص الكتاوتات.افحص و ردلي جواب
تحياتي