خليجى بالضمان ,,, الكلام ده صح ؟

[ROLAND]

كلنا عارفين ان السيارة الخليجى مواصفات وتجهيزات احسن عن السيارة من الوكيل وانا نفسى مش عارف ليه اذا كانت هى هى نفس العربية ونفس الموديل ودايما الواحد بيحتار بين يشتريها خليجى ويكسب جودة ومواصفات ويخسر ضمان الوكيل ولا يشتريها وكيل ويكسب الضمان اهم من الواصفات وده اول سؤال وياريت تفيدونى بالنصيحة ؟
السؤال التانى فيه معارض عربيات دلوقتى بتبيع العربية الخليجى وتقولك بالضمان وبيبقى عندها شركات بتضمن وتعمل صيانة زيها زى الوكيل بالظبط برضه أيه رأيكم فالكلام ده علشان انا سمعته من كذا واحد ولو كان الكلام ده اشترى خليجى ولا برضه اخلينى مع الوكيل

[solidsnake]

المشاركة الأصلية كتبت بواسطة ROLAND كلنا عارفين ان السيارة الخليجى مواصفات وتجهيزات احسن عن السيارة من الوكيل وانا نفسى مش عارف ليه اذا كانت هى هى نفس العربية ونفس الموديل ودايما الواحد بيحتار بين يشتريها خليجى ويكسب جودة ومواصفات ويخسر ضمان الوكيل ولا يشتريها وكيل ويكسب الضمان اهم من الواصفات وده اول سؤال وياريت تفيدونى بالنصيحة ؟ السؤال التانى فيه معارض عربيات دلوقتى بتبيع العربية الخليجى وتقولك بالضمان وبيبقى عندها شركات بتضمن وتعمل صيانة زيها زى الوكيل بالظبط برضه أيه رأيكم فالكلام ده علشان انا سمعته من كذا واحد ولو كان الكلام ده اشترى خليجى ولا برضه اخلينى مع الوكيل

انا عن نفسى لو معايا فلوس زيادة او اقدر على المصاريف من غير تفكير اجيب خليجى
ابن عمى معته سكودا اوكتافيا خليجى هاى لاين و بيعملها الصيانة فى مركز امير و جزيف امام حديقة الطفل
العربية بقالها سنتين و بيشكر جدا فى المعاملة بتاعتهم و النظام وكل حاجة متوفرة عندهم

و ابن عمى التانى معاه جيتا خليجى برضوا ( تخيل الخليجى مصفحين العفشة من تحت صاج 3 ميللى ) تقريبا هو مع تريبل ايه

العناوين اهه لو تحب تسال عندهم على الماركة اللى انت عايزها
الاول ( امير و جوزيف ) او ( بوش ) و ده امام حديقة الطفل فى شارع ابو داوود الظاهرى فى مدينة نصر
بيعمل صيانة لحاجات كتير

التانى بقى تريبل ايه و ده فى عمارات العبور و نمره اهيه ( 24016370 22636367 0113223600 )
بس ده انا مش متاكد من عنوانه يا ريت تتاكد من التليفون او الدليل ,,,, بس هو معروف اوى وبسمع عنه كتيير

ادى العناوين والتليفونات اسال و استفسر عن موضوع الضمان براحتك

[m_o_sakr]

للأسف معضم العربيات الخليجى مواصفاتها أفضل
و بالنسبه للضمان, انا اسمع عن مركز بوش (امير جوزيف) إنه ممتاز و لكن مش بيشتغل فى كل العربيات

[moslem2]

انا فعلا قريت اعلان فى جريدة الاخبار بتاريخ اليوم,28-1-2010 معرض مش فاكر اسمه منزل كيا سيراتو خليجى بالضمان بتبدأ ب 100 الف وبالضمان,,وبلا شك مواصفات الخليجى افضل

[ROLAND]

المشاركة الأصلية كتبت بواسطة solidsnake انا عن نفسى لو معايا فلوس زيادة او اقدر على المصاريف من غير تفكير اجيب خليجى ابن عمى معته سكودا اوكتافيا خليجى هاى لاين و بيعملها الصيانة فى مركز امير و جزيف امام حديقة الطفل العربية بقالها سنتين و بيشكر جدا فى المعاملة بتاعتهم و النظام وكل حاجة متوفرة عندهم و ابن عمى التانى معاه جيتا خليجى برضوا ( تخيل الخليجى مصفحين العفشة من تحت صاج 3 ميللى ) تقريبا هو مع تريبل ايه العناوين اهه لو تحب تسال عندهم على الماركة اللى انت عايزها الاول ( امير و جوزيف ) او ( بوش ) و ده امام حديقة الطفل فى شارع ابو داوود الظاهرى فى مدينة نصر بيعمل صيانة لحاجات كتير التانى بقى تريبل ايه و ده فى عمارات العبور و نمره اهيه ( 24016370 22636367 0113223600 ) بس ده انا مش متاكد من عنوانه يا ريت تتاكد من التليفون او الدليل ,,,, بس هو معروف اوى وبسمع عنه كتيير ادى العناوين والتليفونات اسال و استفسر عن موضوع الضمان براحتك

متشكر على المعلومة المفيدة جدا بس على كده سعر الخليجى المفروض انه اغلى ولا ارخص من التوكيل لأن المشكلة مش فى الصيانة العادية والزيوت والفلاتر المشكلة بتبقى لو فيه عيب صناعة او عيب قطع غيار تفتكر ضمان الخليكى فى المراكز دى بيغطيها؟