>>> تقرير بعد معاينة GEN 2 موديل 2010 <<<

[MaXx]

كنت قريب من عز العرب امبارح قلت اعدي و اشوف الجين 2 ,,,

دخلت قلت اشوف موضوع العربية ديقة من الكنبة اللي ورا ده ... لا مش ديقة رجعت كرسة السائق للخلف و قعدت وراه و كان في مسافة بين رجلي و بين الكرسي ,,, الشنطة واسعة ,,, الاداء الفني مش هتكلم عنه لاني ما جربتهاش سواقة ,,, بس في اغلب اللي جربوها بيشكروا فيها ,,, نيجي بقي للنقطة محل الشكوى من اغلب مالكي الجين 2

التقفيل الداخلي ,,, الزراير اللي في التابلوه فعلا تحس انها رخيصة و رديئة ,,, كان في ناس بتشتكي ان الزراير دي بتقشر و لونها بيروح و كمان المقابض الداخلية



بس العربية فيما عدا ذلك اعتقد كويسة جداً ,.


يا جماعة يا ريت اللي عنده GEN 2 يقولنا رأيه هل العيب ده موجود بشدة ولا ايه ؟

في التوكيل قال ان العيوب دي كانت في الموديلات القديمة بس لما بصيت علي التابلوه و الخامات حسيت انه بيهيس

السعر ,,, 84 مانيوال و 91 اوتوماتيك ,,, تحجز دلوقتي ,,, تستلم بعد العيد ان شاء الله

[a7lahamada]

فعلا ل الناس اجمعت ان السيارة ممتازة بس الخامات بتاعت التابلوة مش قد كدة دا اشهرر عيب في الجين تو عالفكرة

[negmelpahr]

العربيه حلوه وصاجها حلو بس فعلا هي انواع وخامات الزارير المستخدمه في التابلوه مش وحشه ومش حلوه هي ذات كواليتي متوسط في احسن منه كتير

[Gamed]

انا بيعجبنى شكل العربيه و ممكن الأداء يكون كويس بس حاسس انها سنتين و ترميها و تجيب غيرها
مش بحس ان العربيات دى معمره

[a7lahamada]

المشاركة الأصلية كتبت بواسطة Gamed انا بيعجبنى شكل العربيه و ممكن الأداء يكون كويس بس حاسس انها سنتين و ترميها و تجيب غيرها مش بحس ان العربيات دى معمره

بالعكس العربية دي ممتازة جدااااا وتعمر معاك لخمس وتمن سنين كمان لان المواتير بتاعتها ممتازة جدااا وممتازة جدا في الثبات بس محتاجة زي اي عربية عناية كاملة دورية بس بصراحة متازة جداا العربية دي ولا مكتش انتشرت في مصر كدة