يا شباب حد يعرف معلومات عن مرور القوات المسلحه يا ريت بسرعه ارجوكم

[YA122]

دلوقتى ان معايا لانوس 2007 مرور القوات المسلحه اشتريتها من ضابط فى الجيش وهتنتهى رخصه العربيه
فى 16 / 11/2009

عملنا عقد مسجل بالشهر العقارى وعملنا شهاده مخالفات اثناء البيع

وطبعا شهاده المخالفات مدتها شهر وبتنتهى فانا عايز اعمل شهاده مخالفات جديده
من هناك قبل ما الرخصه تنتهى ويطلبو منى استخرج شهاده بيانات

وكمان عايز اعرف هل ممكن اجدد الرخصه
وتفضل فى القوات المسلحه ؟؟؟
ولا لازم انقلها على المرور التابع لمنطقتى ؟؟
بما انى مدنى مش ضابط
عايز اعرف فين بالظبط مرور القوات المسلحه قالولى عندى كوبرى القبه ؟؟؟
فين بالظبط

تمام


يا ريت الرد بسرعه براك الله فيكم

[hazem_khidr]

لا يجوز ترخيص السياره لاي مدني في مرور القوات المسلحه
انت حتروح هناك تجيب شهاده مخالفات
و تروح المرور التابع ليك ترخص عربيتك فيه عادي جدا
او ممكن تروح تجيب شهاده مخالفات و تسلم اللوحات في مرور القوات المسلحه
و تاخد شهاده بيانات تروح بيها المرور بتاعك ترخص فيه

[king mimo20]

زى ما قال خبير المنتدى ا/ حازم
بالظبط

[salahabdelnabi]

لو شهادة المخالفات لسه مانتهتش تقدر تروح المرور التابع ليك بالشهادة اللى معاك من غير ماتجيب شهادة جديدة

وكمان بتسلم النمر فى وحدة المرور بتاعتك مش شرط مرور القوات المسلحة لان المرور بتاعك هو اللى هايركبلك النمر الجديدة وهاياخد منك القديمة

وطبعا ماينفعش حضرتك ترخص فى مرور القوات المسلحة لان حضرك مدنى مش من القوات المسلحة

[m_o_sakr]

الإخوه الأفاضل جاوبو على كل حاجه و ماسابوليش غير انى اقول لحضرتك على المكان: هيا فى شارع اسمو احسان عبد القدوس و ده بيوصل من الخليفه المأمون من عند الحرس الجمهورى لصلاح سالم عند عمارات العبور و المرور هناك جمب الشرطه العسكريه و قبا دار الهيئه الهندسيه و انت جاى من الخليفه المأمون على ايدك اليمين