افيدونى افادكم الله عايز عربيه فى رينج 50 الف

[mohamedwagdyabdelrazek]

انا عايز اشترى عربية كويسة
فى حدود بين 35000 و45000
وكل ما استفسر على عربية الاقى عيوبها اكتر من مميزاتها لغيت مكرهت نفسى
الاكسيل بتشرخ شاسيه
الاكسنت بتسخن
سيينا قطع الغيار والسخونية والسحب
الفليشيا السخونية وما خفى كان اعظم
فياريت تفيدونى افادكم الله

[AbOnOrA]

المستعمل عربيه وحالة مش عربيه بس والحالة قبل العربيه كمان
مرسيدس مو 2008 وحالتها زبالة هتفتحلك مشاكل كل يوم زي سيات موديل 80
بناء عليه الاكسيل لو جبتها حالتها نظيفة وركبتها بما يرضى الله من غير شد ولا عفرته لا هتفتح ولا تشرخ
الكيا برايد نفس الكلام وحمالة اسيه
بس الحالة دور على الحالة النظيفة وعلى العيوب مفيش حاجة كاملة الاوصاف بس عيوب عن عيوب تفرق وطبعا لو حالة نظيفة هتتلافى العيوب المزمنه والمشاكل الكبيرة ان شاء الله

[mohamedwagdyabdelrazek]

المشاركة الأصلية كتبت بواسطة AbOnOrA المستعمل عربيه وحالة مش عربيه بس والحالة قبل العربيه كمان مرسيدس مو 2008 وحالتها زبالة هتفتحلك مشاكل كل يوم زي سيات موديل 80 بناء عليه الاكسيل لو جبتها حالتها نظيفة وركبتها بما يرضى الله من غير شد ولا عفرته لا هتفتح ولا تشرخ الكيا برايد نفس الكلام وحمالة اسيه بس الحالة دور على الحالة النظيفة وعلى العيوب مفيش حاجة كاملة الاوصاف بس عيوب عن عيوب تفرق وطبعا لو حالة نظيفة هتتلافى العيوب المزمنه والمشاكل الكبيرة ان شاء الله

مشكور استاذنا بس انا مش بتاع تنفيخ ولا حاجة
انا ركوبى عادى جدا واقل من العادى
مش اكتر من يومين الاجازة فقط
بس الردود اللى قراتها عن الاكسيل كانت مطمنش

[mohamedwagdyabdelrazek]

بس ايه راى حضرتك فى الاسكودا فليشيا
معلش انا بتاقل عليك

[AbOnOrA]

لاء ابداء تحت امرك بس الفيليشا مشاكلها اكتر واعتماديتها اقل خاصة مشاكل العفشه وسخونة المتور انا انصحك الاكسيل او الكيا برايد فى الفئه ديه لو حالتهم كويسه مش هيبقى مشاكل ان شاء الله