عاوز اشتري ميكروباص تويتا هايس سقف عالي

[ابو صهيب]

السلام عليكم ورحمة الله وبركاته
اود ان اتقدم بالشكر لادارة المنتدى الكريمة لتقديم هذه الخدمة الهامة جدا فجزاكم الله خيرا
ثانيا ارجوا من اصحاب الخبرة او من يستطيع ان يساعدنى ولا ينسى قول النبي صلى الله عليه وسلم من أعان مسلما فى الدنيا أعانه الله يوم القيامة ومنخفف عن مسلما فى الدنيا خفف الله عنه يوم القيامة
كان معايا سيارة اسبرنزا 516 بعتها وبعت مصاغ زوجتى واشتريت سوزوكي فان من سنة والحمد لله شغالةكويس مشغلها بنفسى بدون سائق لانى بسوق من 35 سنة تقريبا نسيت اخبركم ان اخوكم كان شيخ بلازهر وتم احالته للمعاش بعد عزل الرئيس محمد مرسي ولم يعطوني لا معاش ولا مكافأة حتى الان لهذا قمن بما قمت به
وحاليا اعمل على التناية كما يطلقون عليها
ومن خلال احتكاكي بالمواقف صليت استخارة ونويت ابيع بيت كنت بنيته خلاص 20 سنة لاولادي لما يكبروا يتزوجوا فيه المهم قررت ابيعه واشتري باذن الله ميكروباص تويتا سقف عالى وعندى محل للملابس قررت ابيعه هوه والسوزوكي لاشتري نمر اجرة باذن الله
الاسئلة ايه رايكم حيث ان اكبر الاولاد تزوجوا ولم يعجبهم مكان البيت بحجة انه بمنطقة رفيفة على طريق الزراعي اول مدخل الاسكندرية3تزوجوا ورفضوا يسكنوا بالبيت وبقي 3 اولاد اولهم كمان 4 سنين يكون خلص كلية وجيش قلت استغل البيت واوسع علي العيال رايكم ايه
السؤال التاني سعر المكروباص كم الان موديل 2015 وسعر النمر الاجرة موقف عبود الموقف الجديد اسكندرية وعاوزها مثبوتة بالموقفين من يقدر يساعدني وجزاكم الله خيرا

[saytara]

طب متشوف عربية فى الموقف من اسكندرية عبود اكيد هتلقى عربيات للبيع لان الى انتة عيزوة دة صعب عربية السقف العالى تعدى 250الف غير هتجيب نمر اجرة يجى 40الف و جواب اشكندرية عبود و دة صعب المنال لاان مفيش حد هيفرت فى جوابوة و لو فارت فية مش اقل من 150لف اسال مجارب

[ali mohsen]

المشاركة الأصلية كتبت بواسطة saytara طب متشوف عربية فى الموقف من اسكندرية عبود اكيد هتلقى عربيات للبيع لان الى انتة عيزوة دة صعب عربية السقف العالى تعدى 250الف غير هتجيب نمر اجرة يجى 40الف و جواب اشكندرية عبود و دة صعب المنال لاان مفيش حد هيفرت فى جوابوة و لو فارت فية مش اقل من 150لف اسال مجارب

طيب لو مستعملة هتكون في حدود كام لان علي حسبة حضرتك حوالي 450 الف ولو في حل تاني اقرب من كدة ياريت توضحو يعني اذاي نرخص او نشتري نمرة ويبقي معانا خط سير القاهرة اسكندرية بدون التعرض لاي مشكلة ولو تواصلنا مع بعض هل يمكن تقديم المساعدة في انهاء كل هذة الامور وشكرا لحضرتك وشكرا لكل من شارك في الموقوع الجامد دة

[ابو صهيب]

والله اخى أنا سألت سعرها تقريبا 285 الف ولنمر تقريبا 130 الف يعنى 415 الف لكن لا اعرف النمر اشتريها من فين وكيف اثبتها بعبود والموقف الجديدبلاسكندرية يعنى من الناحيتين وهل لواتثبتت فى ناحية واحدة حعرف احمل من الناحية التانية لانه بلغنى ان التحميل من الناحية المثبوت فيها فقط وهل عبود افضل ولا رمسيس وجزاكم الله خيرا

[eslamevo]

متابع
طب لو اجرتو من شركة ودخلتو الموقف هيبقى فى مشكلة